WALIMU WAKUU, WENYEVITI BODI ZA SHULE PAMOJA NA WENYEVITI,KAMATIZA UJENZI WATAKIWA KUHIFADHI VIZURI NYARAKA ZA MANUNUZI

Posted on: December 16th, 2020

Mkurugenzi wa Manispaa ya Kigamboni Ndugu Erasto Kiwale amewataka Wenyeviti wa bodi za shule, Wenyeviti wa Kamati za ujezi pamoja na Wakuu wa shule zote za Sekondari na Msingi Manispaa ya Kigamboni kuzingatia taratibu za manunuzi wakati wa ujenzi wa miradi ya maendeleo.

Ndugu Kiwale ametoa wito huo kwenye kikao kazi kilichofanyika mchana wa leo katika ukumbi wa Manispaa kwa lengo la kuboresha usimamizi wa miradi ya maendeleo kwa shule za Sekondari na Msingi.

Aidha katika kikao hicho amewataka Walimu wakuu wa shule za Msingi na Sekondari kushirikiana na bodi za shule ikiwa ni njia mojawapo ya kuboresha ujenzi wa miradi katika sekta ya elimu Manispaa ya kigamboni.

Sambamba na hilo naye Mkuu wa TAKUKURU Wilaya ya Kigamboni Bi. Devotha Mihayo amewataka Walimu hao kuhifadhi vizuri nyaraka  za Miradi ya Maendeleo ili kuepuka hoja zisizo za lazima na amewataka kushirikiana na TAKUKURU katika kuijenga nchi.

Afisa utumishi wa Manispaa akiwakaribisha katika kikao wenyeviti wa kamati za ujenzi, walimu Wakuu pamoja na Wenyeviti wa bodi,shule za Msingi na Sekondari

Mkuurugenzi wa Manispaa Ndugu Erasto Kiwale akitoa neno kwa wajumbe wa kikao

Mkuu wa TAKUKURU wilaya ya Kigamboni akiwashauri wajumbe kuweka vizuri nyaraka za manunuzi