FURSA ZA UWEKEZAJI ZILIZOPO KWENYE MIFUGO NA UVUVI KATIKA MANISPAA
•Uwepo wa eneo kubwa la ukanda wa bahari lenye urefu wa takribani kilomita sitini na tano (65), uwepo wa mialo mingi pamoja na idadi kubwa ya wavuvi, hivyo kutoa fursa kwa uwekezaji katika maeneo yafuatayo:
Ujenzi wa soko la samaki
Ujenzi wa viwanda vya kuchakata minofu ya samaki.
Ujenzi wa bandari za kupokelea samaki (landing sites).
•Uwepo wa maeneo yanayofaa kwa ufugaji wa samaki aina zote (maji chumvi na maji baridi).
•Manispaa ina jumla ya ng’ombe 18,922, mbuzi 11,562 na kondoo 3,415. Soko la nyama lipo na linazidi kukua sambamba na ukuaji wa Manispaa ya Kigamboni ambapo mahitaji halisi ya nyama ni kilo 3000 kwa siku, pia Manispaa ina jumla ya mabucha 110 hivyo kutoa fursa kwenye uwekezaji wa Machinjio ya Mifugo.
•Manispaa ina kituo cha kukusanyia maziwa kwani Manispaa ina jengo,vifaa vya kupima ubora wa maziwa na vyombo (tanks) vya kukusanyia maziwa.
•Uwepo wa Chuo cha Kilimo na Mifugo Borigaram kinachotoa Taaluma ya Kilimo na Mifugo ili kuendeleza sekta ya Kilimo na Mifugo.
•Manispaa ya Kigamboni ambayo ni miongoni mwa Manispaa zinazounda Mkoa wa Dar es salaam ipo karibu na miundombinu ya Bandari, Uwanja wa ndege wa Mwalimu Julius Nyerere pamoja na kuwa na kiunganishi kizuri cha barabara kwenda mikoa mingine hivyo kuwa ni fursa nzuri katika uwekezaji kwenye maeneo mbalimbali ya uzalishaji wa mifugo na mazao ya mifugo na uvuvi na kuweza kusafirisha ndani na nje ya nchi.
