ZAIDI YA BILIONI TANO (5) KUTUMIKA KUJENGA JENGO LA UTAWALA MANISPAA yA KIGAMBONI

Posted on: March 19th, 2018

Halmashauri ya Manispaa ya Kigamboni inatarajia kutumia zaidi ya bilioni 5 kwaajili ya ujenzi wa makao makuu ya Manispaa yanayojengwa eneo la Gezaulole.

Akitoa taarifa ya mradi kaimu Mkurugenzi wa Halmashauri ya Manispaa ya Kigamboni Bw. David Sukali  kwa viongozi wa UVCCM Mkoa waliotembelea kuona hatua mradi  iliyofikia mwishoni mwa wiki alisema kuwa, ujenzi upo kwenye hatua za awali ambapo  Mkandarasi Tanzania Building Agency(TBA) Bridge ndiye aliyepewa tenda ya ukamilishaji wa jengo hilo.

Aliongeza kuwa jengo hilo linajengwa kwa kutumia gharama kutoka Serikali kuu na fedha za ndani za Halmashauri ya Manispaa ya Kigamboni, Kaimu Mkurugenzi alieleza kuwa mradi utakapokamilika unatarajiwa kuwa na manufaa kwa watumishi wote wa Manispaa ya kigamboni, wakazi wote na  Wilaya jirani za Kigamboni na Serikali ya Jamhuri  ya Muungano  kwa ujumla.

Alisema kuwa mradi upo kwenye  hatua za awali za utekelezaji “mobilization and site clearance” ambapo  fedha  zilizotumika  mpaka  sasa ni Tshilingi.500,000,000/=.

Mradi wa ujenzi wa jengo la utawala la Manispaa ya Kigamboni ulianza Januari 2018 na unatarajiwa kumalizika Agosti 2018

Viongozi wa UVCCM Mkoa walipongeza hatua zilizofikiwa na kusisitiza Mkandarasi kufanya kazi kwa juhudi ili kukamilisha mradi kwa wakati uliopangwa ili wananchi waweze kupata huduma bora.

viongozi wa UVCCM wakifatilia kwa makini taarifa ya maradi ya ujenzi wa makao makuu.

Kaimu Mkurugenzi Bw.David Sukali akisoma taarifa ya mradi wa ujenzi wa makao makuu eneo la Gezaulole.

kazi ikiendelea ikiwa ni hatua za awali

Viongozi wakisaidiana na mafundi kuingiza nondo ndani ya shimo.

Viongozi wakiendelea kushiriki nguvu kazi.

Viongozi wakipata taarifa fupi eneo la mradi.