WAZIRI WA TAMISEMI ATOA MIEZI 6 KUKALIKIKA KWA NYUMBA ZA WATUMISHI MANISPAA YA KIGAMBONI

Posted on: June 9th, 2020

Waziri wa Nchi Ofisi ya Raisi Tawala za Mikoa na Serikali za Mitaa (TAMISEMI) Mheshimiwa Selemani Jafo ametoa muda wa miezi 6 kwa Menejimenti ya Manispaa ya Kigamboni kukamilisha nyumba za watumishi (Mkurugenzi wa Manispaa ya Kigamboni pamoja na   Mkuu wa Wilaya) zinazojengwa katika eneo la Gezaulole Kata ya Somangila.

Mheshimiwa Jafo ametoa agizo hilo katika ziara yake aliyoifanya mapema leo kwa lengo la kutembelea na kukagua utekelezaji wa miradi ya maendeleo ambapo ametembelea na kukagua Hospitali ya Wilaya pamoja na eneo ambapo zitajengwa nyumba za watumishi  (Mkuu wa Wilaya pamoja na Mkurugenzi)

Aidha kwa upande mwingine Mheshimiwa Waziri ameipongeza Menejimenti ya Manispaa ya Kigamboni kwa kuanza kutoa huduma ya Maabara, Huduma ya uzazi (mama na mtoto) pamoja na Wagonjwa wa kutoka nje (O.P.D) katika Hospitali ya Wilaya  ambapo ameridhishwa na maendeleo ya Hospitali hiyo kiutendaji.