WAZEE 3518 KIGAMBONI WANUFAIKA MSAMAHA MATIBABU

Posted on: October 5th, 2022

WAZEE 3518 KIGAMBONI WANUFAIKA NA VITAMBULISHO VYA MSAMAHA WA MALIPO YA MATIBABU,WATAKIWA KUYATUMIA VIZURI MABARAZA

Hayo yamebainika leo katika hafla ya  maadhimisho ya Siku ya Wazee duniani ambapo Manispaa ya Kigamboni leo 5/10/2022 imeadhimisha katika viwanja vya Mjimwema .

Akiongea Mkuu wa Wilaya ya Kigamboni Mh.Fatma Almas Nyangasa ambae pia alikuwa mgeni rasmi katika hafla hiyo amewapongeza kwa jinsi wanavyotoa ushirikiano kwa uongozi Wilaya kwa kujitokeza pale wanapoitwa na amesisitizabkuwa serikali inawatambua na Rais wa jamhuri ya Muungano wa Tanzania Mh.Samia Suluhu  anawathamini na anatambua mchango wao katika taifa hili na inathamini   pia  amewataka kuyatumia vizuri mabaraza ya wazee kwa kushirikiana na watendaji katika Kata zao.

Akiongelea kuhusu maombi mbalimbali yaliyoainishwa katika risala yao DC Nyangasa amesema kuwa ameyachukua kwa ajili ya kuyafanyia kazi.Aidha amemshukuru Mkurugenzi ndg.Kiwale kwa utekelezaji wa maagizo mbalimbali ambayo amekuwa akimpa kuhusiana na maswala yao wazee.

Kwa upande wake Mkurugenzi wa Manispaa ya Kigamboni ndg.Erasto Kiwale ameeleza kwa jinsi Manispaa inavyotekeleza maagizo  ya Serikali kuhusiana na maswali ya wazee likiwepo suala la kutoa vitambulisho vya msamaha wa malipo ya matibabu kwa wazee ambapo wazee 3518 wamepatiwa vitambulisho hivyo.

 Aidha amesema Manispaa imekuwa ikitoa elimu ya Chanjo ya COVID -19 kwa wazee ambapo wazee 2228 wamepata elimu hiyo,pamoja na hilo Manispaa imesimamia uundaji wa mabaraza 77 kwa wazee kuanzia ngazi ya Wilaya, Kata na mtaa,aidha Manispaa imeendelea kutoa elimu ya saikolojia kwa wazee na kwa mwaka wa fedha 2021/2022 ilifanikiwa kutumia mil.7.4 kuwakatia bima wazee kwa ajili ya unafuu wa matibabu.

Imetolewa na kitengo cha Mawasiliano Serikalini KGMC