Watoto 100 wanufaika na bima za Afya za NHIF kutoka TPA.

Posted on: March 15th, 2022

Mkuu wa Wilaya ya Kigamboni Mhe. Fatma Almasi Nyangassa ameashukuru wanawake kutoka Mamlaka ya Bandari Dar es Salaama kwa msaada wa bima za afya 100 za NHIF zilizotolewa kwa watoto wanaoishi katika mazingira magumu kwa lengo la kuwasaidia kimatibabu.

Akizungumza mara baada ya makabidhiano leo kwenye ukumbi  wa Ofisi za Mkuuu wa Wilaya, Mhe Fatma amesema kuwa Serikali ikipata sapoti za wadau inarahisisha kutatua changamoto haraka zaidi kama bima walizozitoa kwani  zitawasaidia watoto kupata huduma  za msingi za kiafya  na kwa urahisi zaidi.

Ameongeza kwa kusema kuwa  kitendo walichofanya  wanawake wa mamlaka ya bandari ni ishara ya kuunga mkono jitihada za Serikali za kuhakikisha kila mwananchi anakua na Bima ya afya kama ambavyo siku za usoni serikali ilivyodhamiria kuhakikisha wananchi wote wanakua na Bima za afya.

“Nawashukuru sana wanawake wa TPA kwetu hili ni jambo kubwa sana, Kigamboni tunakundi kubwa la watu wanaohitaji msaada wa namna hii  kwani mmetusaidia kwanza, kwa kuunga mkonojitihada za Serikali lakini pia hii imedhihirish upendo alionao mama kwa mototo kwani mngeweza kufanya jambo lingine lolote na mahali kwingine  lakini mkaona vyema kuwafikia watoto wa Kigamboni “Alisema Mkuu wa Wilaya

Akizungumza wakati  wa makabidhiano kaimu meneja Rasilimali watu  Mwajuma Mkonga kutoka Mamlakaya Bandari amesema kuwa , katika kuadhimisha siku ya wanawake duniani wameamua kuangaza tabasamu kwa watoto wanaoishi mazigira magumu na walezi wao kwa kuwalipia Bima za NHIF  zitakazowasaidia kupata matibabu kwa kipindi cha mwaka mmoja.

Ameongeza kwa kusema kuwa walikusanya fedha  kutoka kwa watumishi na wadau mbalimbali ambazo zimesaidia kununua bima 400 kwa lengo la kukabidhi kwa wilaya 3 za Dar es Salaam na  fedha nyingine zimetumika kutoa msaada kwa Hospitali za Temeke na MMuhimbili

Mkuu wa Wilaya ya Kigamboni Mhe. Fatma Nyangassa akizungumza Mara baada ya makabidhiano ya Bima za Afya Kushoto ni Kaimu Rasilimali watu  kutoka Mamlaka ya Bandari Bi. Mwajuma Mkonga

Mkuu wa Wilaya Mhe.Fatma Nyangassa akiwashukuru wanawake kutoka mamlaka ya bandari, pembeni ni Kaimu Meneja rasilimali watu Mwajuma Mkonga.

Baadhi ya wanawake wa mamlaka ya Bandari waliofika kukabidhi Bima za Afya kwa watoto.

Mkuu wa Wilaya Mhe.Fatma Nyangassa akipokea zawadi kutoka kwa kaimu meneja rasilimali watu kutoka mamlaka ya bandari Bi.Mwajuma Mkonga.

Baadhi ya watoto waliowawakilisha watoto wenzao wakati wa makabidhiano ya Bima za Afya.

Picha ya pamoja kati ya Mkuu wa Wilaya Mhe.Fatma Nyangassa  na wanawake kutoka mamlaka ya bandari Mara baada ya makabidhiano.