Waratibu wa maafa ngazi ya Kata wahimizwa kuwa mabalozi wazuri pindi majanga yanapotokea.

Posted on: January 7th, 2021

Mratibu wa Maafa Wilaya Bi. Suzan Swai amewakumbusha wajumbe wa kamati za maafa wanaowakilisha Kata za Kigamboni kufanya kazi kwa kuzingatia majukumu yao na kuwa mabalozi kwa jamii zinazowazunguka pindi majanga ya moto na mengineyo yanapotokea.

Mratibu wa Maafa ameyasema hayo leo alipokuwa akizindua kamati za maafa zilizoambatana na mafunzo ya kinga na tahadhari  ya moto yaliyoendeshwa na Afisa Zimamoto Wilaya kutoka Jeshi la Zimamoto na uokoaji  Inspekta Castory Willa kwenye ukumbi wa Manispaa.

Aidha Afisa Zimamoto amesisitiza umuhimu wa kila mwananchi kuwa na  namba za zimamoto za dhalura yaani 114 , wananchi kuwa na Bima za majanga  ili lengo la kuokoa mali na Maisha pindi majanga yanapotokea liweze kutimia , pia jeshi la zimamoto linatoa ushauri wa namna bora ya kujenga ili kukabiliana na majanga hususani ya  moto.

Jeshi la zimamoto pia limekabidhi vifaa vya awali vya kuzima moto kwa kata tatu za Kisarwe II, Kimbiji  na Pembamnazi.

Wakufunzi wa mafunzo ya zimamoto na wajumbe wa kamati za maafa Kata  wakiwa tayari kufanya majaribio ya kuzima moto kwa ktumia njia tatu. 

Mratibu wa Maafa Wilaya Bi Susan Swai akimkabidhi kifaa cha kuzimia moto cha awali mratibu wa Maafa ngazi ya Kata , Kata ya Pembamnazi

Zoezi la  kuzima moto kwa kutumia mtungi wa gesi likifanyika

Mkufunzi wa mafunzo ya kinga na uzimaji moto kutoka kikosi cha zimamoto Insp. Castory Willa akionesha namna ya kutumia mtungi wa foam kuzima 

Wawakilishi wa waratibu wa Maafa na wakufunzi wakiwa katika picha ya pamoja baada ya Mafunzo.

Mwakilishi wa waratibu wa Maafa akizima moto.