Wanawake vijana jiungeni kwenye vikundi mnufaike na mikopo ya Serikali

Posted on: September 29th, 2018

Katika kutekeleza wa maagizo ya Serikali Manispaa ya Kigamboni leo imefungua jukwaa la kuwezesha wanawake kiuchumi ambalo lilianzishwa na Makamu wa Rais Mhe. Samia Suluhu ambapo mwakilishi wa Mkuu wa Wilaya ya Kigamboni Bi.Rahel Muhando alishiriki kuzindua jukwaa hilo Ngazi ya Kata na kuwasisitiza wanawake kujiunga kwenye vikundi ili waweze kunufaika na mikopo inayotolea na Manispaa.

Akizungumza kwenye uzinduzi wa jukwaa Kata ya Kibada Bi. Rahel Mhando (Katibu Tawala Wilaya) alisema kuwa  huo ni mwendelezo na ni utekelezaji wa agizo la Serikali kwamba ngazi ya Wilaya, Kata na Mitaa kote kuwe na majukwaa ya uwezeshaji wanawake ambapo lengo kuu likiwa ni kuwawezesha Wanawake kujikwamua kiuchumi, kupitia asilimia 10 za mapato ya ndani  zinazotolewa na Manispaa inayohusisha pia Vijana na walemavu katika kuwawezesha kujikwamua na umasikini.

Aliongeza kuwa katika ziara aliyoifanya takribani maeneo yote ya Kigamboni amegundua kuwa wakinamama wengi wameitikia wito wa kujiunga katika vikundi ambapo sasa ni jukumu la Serikali kuhakikisha fedha zinazotengwa zinawafikia walengwa kwa wakati.

“Nawasisitiza wanawake muendelee kujiunga kwenye vikundi ili muweze kufikiwa kwa urahisi kwenye mikopo hata na tasisi ambazo zimejitoa kusaidia kuwainua kiuchumi, vijana pia mjiunge kwenye vikundi Serikali ipo kuwahudumia na sisi Kigamboni tumejipanga kutekeleza agizo la Serikali” alisema Bi.Rahel

Kwa upande wake mlezi wa jukwaa la wanawake Kata ya Kibada ambaye pia ni Diwani wa Kata hiyo Mhe. Amin Mzuri Sambo alisema kuwa ni jambo la faraja kuona wakinama wanajikwamua kiuchumi na kuwataka kutumia vyema  fursa ambayo Serikali imeitoa kwao  kwasababu wao kama viongozi wapo kuhakikisha  fedha tengwa zinawafikia walengwa wote wakiwemo vijana na walemavu.

Uzinduzi wa jukwaa la kuwawezesha wanawake kiuchumi Kata ya Kibada lenye kauli mbiu ya “Wanawake tumieni fursa ya jukwaa kushiriki uchumi wa viwanda” ni muendelezo ambapo mpaka sasa Kata 6 kati ya 9 zimekwishazindua  majukwaa.

Halmashauri ya Manispaa ya Kigamboni kwa mwaka wa fedha 2017/2018 ilitenga kiasi cha milioni 311 kwaajili ya mikopo ya vijana na wanawake na kwa mwaka wa fedha  2018/2019 Manispaa imetenga Milioni 537 kwaajili ya mikopo ya wanawake na vijana na milioni 132 kwaajili ya waalemavu.

Katibu Tawala Wilaya Bi.Rahel Mhando akiwa ameambatana na wanawake akikakua bidhaa mbalimbali

Wanawake wajasiliamali wakimshangilia mgeni rasmi ambaye ni Katibu Tawala Wilaya.

Mlezi na diwani wa kata ya Kibada Mhe. Mzuri Sambo akizungumza na wanawake kwenye uzinduzi wa jukwaa

Viongozi wakiwa wamesisima kutazama  vikundi vyakinamama vikipita kutoka mitaa mbalimbali ya kata ya kibada.

Wanawake wakiwa kwenye shamrashamra

moja ya mtaa wa Kibada ukipita na bango lake mbele ya viongozi ili wapate kusoma ujumbe.

Vijana wa hamasa wakisherehesha

Katibu Tawala Wilaya Bi.Rahel Mhando akikagua bidhaa za batiki kutoka moja ya kikundi cha kinamama