Wananchi wa Manispaa ya Kigamboni watakiwa kutunza vyanzo vya maji

Posted on: September 22nd, 2023

"Naomba nitoe rai kwa Wananchi wa Kigamboni na maeneo mengine, sote tunajukumu kubwa la  kuhakikisha tunavilinda vyanzo vya maji kwani maji ni sisi na sisi ni maji pia maji ni Mazingira"

Rai hiyo imetolewa na Mkuu wa Mkoa wa Dar es Salaam Mheshimiwa Albert Chalamila leo  Septemba 2023 katika ziara yake ya kukagua na kujione changamoto mbalimbali zinazoikabili sekta ya uwekezaji ndani ya Manispaa ya Kigamboni.

Mheshimiwa Mkuu wa Mkoa amesema Serikali inatambua umuhimu wa upatikanaji wa maji kwani yanamchango mkubwa katika ukuaji wa uchumi kwasababu viwanda vingi hutegemea maji katika kujiendesha na kuzalisha bidhaa mbalimbali ambazo huuzwa ndani na nje ya nchi hivyo kuiwezesha nchi kupata Kodi pamoja na fedha za kigeni

Kwa upande mwingine ameupongeza uongozi wa Mamlaka ya maji safi na maji taka Mkoa wa Dar es Salaam DAWASA kwa kutekeleza maagizo ya Rais wa Jamhuri ya Muungano wa Tanzania Mheshimiwa Dokt Samia Suluhu Hassan kwa kuhakikisha Wananchi wanapata maji ya uhakika.