Wananchi Manispaa ya Kigamboni watakiwa kushiriki uchaguzi wa Serikali za Mitaa

Posted on: September 13th, 2024

Mkuu wa Wilaya ya Kigamboni Mhe. Halima Bulembo amewataka wananchi kujitokeza kwa wingi kujiandikisha kwenye orodha ya wapiga kura ya uchaguzi wa serikali za mitaa  ili  kupata fursa ya kushiriki  uchaguzi  ifikapo Novemba 27,2024.

Hayo ameyasema leo  Septemba13,2024 wakati wa ufunguzi wa kikao chake na wananchi ik0iwa ni muendelezo wa ziara yake ya mtaa kwa mtaa iliyolenga kusikiliza na kutatua kero.

Akifafanua kaimu Mkuu kitengo cha uchaguzi bi Magdalena Malunda amesema  wananchi wote  watapata fursa ya kujiorodhesha kwenye daftari la wapiga kura  la serikali ya mitaa kuanzia Oktoba 11-20, 2024 hivyo kila aliyetimiza miaka 18 na kuendelea ataruhusiwa kujiorodhesha na hatimage kushiriki uchaguzi ikiwemo kupiga kura.

"Orodha hii ni tofauti na orodha ya daftari la kudumu la wapiga kura inayoandaliwa na Tume huru ya Taifa ya Uchaguzi hivyo tunapaswa kujiorodhesha kwenye orodha ya wapiga kura. Alisema bi Marunda.

Aia Bi. Malunda  amewataka  wananchi wenye sifa za kugombea  wenye umri kuanzia miaka 21 nakuendelea wajitokeze  kugombea nafasi mbali mbali  katika uchaguzi huo.

Kauli mbiu ya uchaguzi wa serikali za Mitaa kwa mwaka 2024 inasema "SERIKALI ZA MITAA, SAUTI YA WANANCHI JITOKEZE KUSHIRIKI".