Wananchi Manispaa ya Kigamboni watakiwa kuchangamkia fursa ya mikopo ya 10%

Posted on: October 2nd, 2024

Akizungumza na wananchi wa mtaa wa Muungano kata ya Tungi Mkuu wa wilaÿa yq kigamboni Mhe. Halima Bulembo amewaasa wananchi wa mtaa huo kutojihusisha na mikopo ya kausha damu na badala yake waandae nyaraka zitakazo wawezesha kupata mikopo.

Sambamba na hilo Mh. Bulembo amemshukuru Rais wa Jamhuri ya Muungano wa Tanzania Dkt. Samia Suluhu Hassan kwa kurejesha mikopo  ambayo itatumika kama daraja la kuwakwamua wananchi kiuchumi.

Akiendelea amesema kutokana na maombi ya wananchi wengi ya kuongeza umri wa kukopa Rais amesikiliza maombi ya wananchi na ameongeza umri wa vijana kukopa kutoka miaka 18-35 hadi miaka 18-45 na hivyo kutoa fursa kwa vijana kukopa pasi na kuwa na shaka na umri.

Mh. Bulembo alimalizia kwa kuwambusha wananchi kujiorodhesha kwenye daftari la wapiga kura ifikapo Oktoba 10-20, 2024 ili kuweza kupata fursa ya kushiriki uchaguzi wa serikali ya mtaa ifikapo Novemba 27, 2024