Wajumbe wa Kamati ya Fedha Uongozi na Mipango wapongeza Menejiment kwa usimamizi mzuri wa miradi.

Posted on: January 19th, 2021

Pongezi hizo zimetolewa leo wakati walipokuwa wakifanya ziara ya kutembelea miradi ya maendeleo inayotekelezwa na Manispaa ambapo wamesema Mkurugenzi na Menejimenti wamesimamia vizuri miradi hususani kwa kipindi ambapo Madiwani hawakuwepo .

Mwenyekiti wa kamati Mhe. Ernest Mafimbo (Mstahiki Meya) amesema kuwa katika miradi yote ambayo wamefanikiwa kuitembelea wamekuta ipo kwenye hatua nzuri na mazingira yake yanaleta matumaini hivyo kama madiwani wametambua utendaji kazi wa Mkurugenzi na timu yake.

Aidha wajumbe wa Kamati wameielekeza menejimenti kufanya marekebisho kwa baadhi ya miradi ambayo waliweza kuitolea ushauri ili kuifanya miradi hiyo kuwa na tija kwa jamii na Manispaa kwa ujumla.

Kamati ya Uongozi Fedha na Mipango leo imetembelea Mradi wa ujenzi wa Kituo cha Afya Kibada kinachojengwa kwa fedha za mapato ya ndani ambapo kwa ujenzi huu wa awali jumla ya miioni 162 zinatarajiwa kutumika, ujenzi wa Soko la kisasa ambalo hadi kukamilika jumla ya Bilioni 6.6 zitatumika, na ujenzi wa Nyumba za viongozi Somangila ambao hadi kukamilika jumla ya Bilioni 2 zinatarajiwa kutumika.

Wataalamu na Wajumbe wa Kamati ya Fedha Uongozi na Mipango wakitoka kukagua ujenzi wa Soko la Kisasa la Kibada.

Muonekano wa Soko  la Kisasa linalojengwa Kibada.

Wajumbe na Baadhi ya wataalamu wakitoka kukagua ujenzi wa kituo cha Afya Kibada ulioanza na jengo la Wagonjwa wa nje.

Mganga Mkuu wa Manispaa Dkt. Charles Mkombachepa akiongoza ukaguzi wa mradi wa ujenzi wa kituo cha afya kwa Kamati ya FUM na kutolea ufafanuzi wa ujenzi huo ambao umeanza na jengo la wagonjwa wa nje (OPD)

Wajumbe wa Kamati ya Fedha Uongozi na Mipango wakitoka kutazama Nyumba ya Mkurugenzi.

Nyumba za Mkuu wa Wilaya na Katibu Tawala.

Kamti ya Fedha Uongozi na Mipangoikipata taarifa fupi ya ujenzi wa Nyumba za Viongozi.

muonekano wa Nyumba za Viongozi 

Muonekano wa nyumba mojamoja .