Uboreshaji wa daftari la wapiga kura awamu ya pili Viongozi watakiwa kufuata maelekezo ya Tume.

Posted on: May 1st, 2020

• Afisa Mwandikishaji jimbo la Kigamboni Ndugu Ng'wilabuzu Ludigija amewataka Maafisa Waandikishaji Wasaidizi ngazi ya Kata, Waandishi wasaidizi pamoja na waendesha mashine za BVR kuzingatia maelekezo yote yanayotolewa na Tume ya taifa ya uchaguzi ili kuhakikisha zoezi la uboreshaji wa Daftar la wapiga kura kwa awamu ya pili unafanyika kwa ufanisi.

Ndugu. Ludigija ametoa wito huo katika ufunguzi wa mafunzo ya zoezi hilo mapema leo katika Ukumbi wa Manispaa ya Kigamboni ambapo pia ilihusisha timu ya wataalamu kutoka tume.

Uboreshaji wa daftar la wapiga kura utadumu ndani ya Siku 3 kuanzia tarehe 02-04/05/2020 katika Kata zote  za Manispaa ikiwa ni maandalizi ya kuelekea uchaguzi Mkuu unaotarajiwa kufanyika mwezi October mwaka huu.