Uwajibikaji, nidhamu ya mawakala,ushirikiano na kufuata miongozo ya Uchaguzi vyasisitizwa kuelekea uchaguzi.

Posted on: October 20th, 2020

Msimamizi wa uchaguzi Jimbo la Kigamboni   Bw. Erasto Kiwale amewaasa makatibu wa vyama vya siasa vyenye wagombea kusimamia majukumu yao kwa uaminifu, ili kuepuka lawama kwa kutoa ushirikiano na kuamini kuwa Uchaguzi unaongozwa na miongozo, kanuni na sera hivyo ni vyema kila mmoja akasimamia nidhamu ya mawakala.

Hayo ameyazungumza leo alivyokuwa kwenye kikao cha kujengeana uelewa kilichoandaliwa kwa ngazi ya Wilaya na makatibu wa vyama vya siasa vyenye wagombea ambacho kimefanyika kwenye ukumbi wa mikutano wa Manispaa ambapo utimizaji wa wajibu kwa kila mmoja  umesisitizwa ili haki iweze kupatikana.

Aidha amewaasa viongozi kuwa chanzo cha utulivu na wawe wa kwanza kutoa elimu kwa wananchi kuwaelezea umuhimu wa kwenda kuwapigia kura viongozi wanaowahitaji kwani Serikali imetumia gharama kubwa kuhakikisha uchaguzi unafanyika kwa amani na Utulivu.

Aidha Makatibu wa vyama vya siasa wamesisitiza utunzaji wa amani kwa maslahi ya Taifa hususani katika nyakati hizi za kuelekea uchaguzi kwani kunamaisha baada ya uchaguzi ambayo yanawagusa watanzania wote.

Kigamboni inavituo 417 vya kupigia kura kwa kata zote 9 na tayari orodha ya majina imebandikwa kwenye vituo hivyo vya kupigia kura.

Afisa Uchaguzi  Kigamboni akitoa maelezo ya idadi ya vituo kwa kila kata na kusisitiza Makatibu kuhamasisha wananchi kujitokeza kupiga kura.

Baadhi ya Makatibu wa vyama vya siasa vyenye wagombea

Katibu wa chama cha sisasa akitoa maoni na hoja za kuboresha zoezi la upigaji kura

makatibu wa vyama vya siasa

Msimamizi msaidizi wa jimbo akitoa elimu ya umuhimu wa uwajibikaji katika upatikanaji wa haki.

Msimamizi msaidizi wa Jimbo akitoa  maelezo ya majukumu ya watendaji wa vituo vya kupigia kura

.

Msimamizi msaidizi wa jimbo akitoa miongozo ya haki ya mwananchi  inayomruhusu mwananchi kupiga kura akiwa ndani au nje ya jimbo.