UTEKELEZAJI MRADI WA BOOST KIGAMBONI MAAGIZO YA DC BULEMBO YATEKELEZWA KWA VITENDO WANANCHI MAENEO YA MRADI WAPEWA ELIMU

Posted on: May 4th, 2023

Utekelezaji wa maagizo hayo umeanza kwa timu ya ufuatiliaji kutambulisha mradi na kutoa elimu kwa wananchi maeneo ambapo mradi huu utatekelezwa ,wananchi wameelimishwa kuhusu mradi huu na kuelezwa umuhimu wake•    pia jamii wamejengewa uelewa wa pamoja ambapo umefanyika kupitia vikao mbalimbali vilivyohudhuriwa na madiwani na viongozi wa serikali za kata na mitaa kwenye maeneo yenye miradi hiyo ambayo ni katika kata ya Mjimwema,kata ya Vijibweni

Aidha uundwaji wa Kamati za Ujenzi, mapokezi ya vifaa na manunuzi kwa mujibu wa Muongozo wa Force Account umefanyika kikamilifu katika kila eneo la Mradi. Moja ya maagizo aliyoyatoa Mh.Bulembo kwa timu ufuatiliaji ya BOOST ni kuwepo kwa uwazi na ushirikishwaji kuanzia ngazi ya chini kwa wananchi washirikikishwe katika hatua zote zinazohitaji kuwahusisha wao.

Kwa Manispaa ya Kigamboni imepokea 1,156,000,000 ambazo zitatumika kujenga  shule mpya mbili kwa shule ya Mjimwema na Kibugumo,vyumba 13 vya madarasa Kwa shule za Vijibweni na na Kisiwani ,ujenzi wa vyumba 2 vya mfano vya darasa la awali na matundu ya vyoo na tayari pesa hizo zimeshaenda kwenye shule husika kwa utekelezaji.

Imetolewa na Kitengo cha Mawasiliano Serikalini