ujenzi kituo cha afya kimbiji wakamilika kwa asilimia 98

Posted on: January 23rd, 2019

Halmashauri ya Manispaa ya Kigamboni ni miongoni mwa Halmashauri zilizofanikiwa kupokea fedha kutoka Serikali kuu  za uboreshaji wa vituo vya afya na huduma za afya kwa ujumla.

Kituo cha afya Kimbiji kilipokea fedha kiasi cha milioni 400 kwaajili ya upanuzi  wa majengo na uboreshaji wa utoaji wa huduma za afya.

Ujenzi wa majengo mapya kwenye kituo hicho ulianza tarehe 5/2/2018 ambapo  ilijumuisha majengo ya maabara, upasuaji,jengo la wazazi na chumba cha kuhifadhia maiti.

Ujenzi wa majengo haya umetumia mfumo wa force account ( Mfumo wa kutumia mafundi wa kawaida wanaopatikana eneo husika badala ya wakandarasi na vifaa vya ujenzi  vinanunuliwa  kwa bei ya sokoni sio ya zabuni) wanachi walihusishwa moja kwa moja kwa kutumia kamati walizoziunda wenyewe za kusimamia ujenzi na kuhakikisha taratibu za manunuzi zinafuatwa kwa kusimamiwa na wataalamu wa manispaa.

Hadi sasa ujenzi upo kwa 98%  na baadhi ya majengo yameanza kutumika  kama vile maabara.

Ujenzi wa majengo haya utaweza kuboresha huduma za afya kwa ujumla,  kusaidia kupunguza vifo kwa mama wajawazito na watoto, pia kuondoa adha ya wananchi kutembea umbali mrefu kufata huduma za afya kwenye vituo vingine vilivyopo mbali na makazi yao.

eneo la maabara la awali

Jengo la kupokelea wagonjwa na ofisi za madaktari

jengo la mama na  mtoto

jengo la maabara na upasuaji

baadhi ya vitanda ambavyo tayari vimewekwa kwenye chumba cha kulaza wagonjwa

Kitanda cha  kujifungilia

Mtaalamu wa maabara akiendelea na utekelezaji wa majukumu yake  kwenye chumba cha maabara ambacho tayari kimeanza kutumika.