Taarifa za ukatili wa kijinsia zatakiwa kutolewa mapema

Posted on: November 29th, 2022

leo Halmashauri ya Manispaa ya Kigamboni imezindua Kampeni ya kupinga ukatili wa kijinsia kwa siku 16  iliyobeba kauli mbiu ya “kila uhai unathamani, tokomeza mauaji na ukatili dhidi ya wanawake na watoto” kwa kutoa elimu kwa wanafunzi wa shule ya  Sekondari ya Paul makonda kwa lengo la kuchukua hatua madhubuti kama kizazi kinachoamini na kuthamini usawa wa kijinsia katika maeneo yote hapa nchini.

Akizungumza wajati wa uzinduzi   muwakilishi wa Mkuu wa Wilaya Abdalla Kizega( Mtendaji wa Kata)  amesema kuwa, ukatili unaanza sehemu yoyote hivyo wanafunzi wawetayari kutoa taarifa mapema pindi wanapoona viashiria vya ukatili   ili kudhibiti vitendo hivyo kwasababu jambo hilo linatekekeza kizazi chetu.

Afisa ustawi Bi.Recho Ikamba wakati akitoa taarifa fupi  amesema kuwa manispaa ya kigamboni chini ya Maafisa Ustawi na Maendeleo ya jamii kwa kushirikiana na wadau wanaofanya kazi pamoja na Halmashauri wataendelea kuadhimisha kampeni hii kwa kutoa elimu  ili kupunguza vitendo vya unyanyasaji wa kijinsia.

Ameongeza kuwa Manispaa ya Kigamboni kwa kushirikiana na wadau pia  imeendelea kuimarisha ujenzi wa vituo  vya kijamii vya malezi, makuzi na maendeleo ya awali  ambapo mpaka sasa kituo kilichopo Mbutu kata ya Somangila  kimekamilika na kimeanza kutumika.

Aidha madawati ya kijinsia na watoto yameanzishwa katika vituo vya polisi Kigamboni ambapo hadi sasa kituo kimoja na vituo vidogo  vya polisi na maafisa polisi maalumu wamepatiwa mafunzo ya jinsi ya kushughulikia mashauri ya ukatili.

Elimu ya ukatili wa kijinsia  imetolewa kwa Shule 15 za Msingi na 6 za Sekondari, vituo vya bodaboda,vituo vya daladala,  wamiliki wa day care na makao ya watoto walio katika mazingira magumu.

Halmashauri ya Manispaa ya Kigamboni katika kampeni hii ya siku 16 za kupinga ukatili imepanga kutoa elimu kwenye Kata  ambazo hazijafikiwa na kuhuisha kamati za kupinga ukatili kwa Mwanamke na mtoto (MTAKUWA).

Afisa maendeleo Bi.Suzan  Swai amewashukuru wadau wanaoshirikiana na Manispaa ambao ni Salama foundation,Kigamboni community centre, SMAUJATA, Woman Empowering and Entrepreneurship  Development organization(WEEDO), Women Action Towards Economic Development (WATED) na Dawati la jinsia na watoto Polisi Kigamboni na kuomba wadau wengine kujitokeza ili kufikia lengo la kutokomeza ukatili wa kijinsia.