SHERIA KUTUMIKA KWA WANAOKAIDI KUFANYA USAFI MAENEO YAO

Posted on: January 28th, 2023

SHERIA KUCHUKUA MKONDO WAKE KWA  AMBAO HAWATASHIRIKI  USAFI

  Leo Tarehe 28/01/2023 wilaya ya Kigamboni imefanya zoezi la usafi wa jumamosi ya mwisho wa mwezi ambapo Mgeni Rasmi alikuwa Mstahiki Meya wa Halmashauri ya Manispaa ya Kigamboni Mh. Enerst Mafimbo Ndamo akiongozana na Katibu Tawala wa wilaya ya Kigamboni ndg. James Mkumbo, Kaimu Mkurugenzi ndugu Juvenalis B. Mauna pamoja na wananchi wa wilaya ya Kigamboni.

    Akiongea mara baada ya  zoezi hilo la usafi Mh. Mstahiki Meya Enerst Mafimbo Ndamo amewapongeza waliojitokeza na kuwataka  wananchi kushiriki kwa kujitokeza kufanya usafi wa jumamosi ya mwisho wa mwezi kwani zoezi limekuwa la kusuasua kwa baadhi ya wananchi .

Akisisitiza juu ya kushughulikia suala hilo Mh.Ernest amesema "Sisi kama Halmashauri ya Manispaa ya Kigamboni kwa mwaka huu tutatumia sheria ndogo ndogo za Halmashauri kwa watakaokaidi hatua za kisheria zitachukuliwa dhidi yao kwani usafi ni wajibu wa kila mwananchi, inafika wakati usafi tunafanya viongozi wananchi hawajitokezi ipasavyo,wito wangu wananchi mjitokeze kufanya usafi  usafi ni wajibu wetu."

  "SAFISHA PENDEZESHA KIGAMBONI"

IMETOLEWA NA KITENGO CHA MAWASILIANO SERIKALINI KGMC