Rc Chalamila aagiza uchunguzi malipo upimaji

Posted on: August 18th, 2023

*Na Minde Honorata

Mkuu wa Mkoa wa Dar es Salaam Mhe. Albert Chalamila ameviagiza vyombo vya dola kuchunguza uhalali wa sh. milioni 800 iliyolipwa kwa Julius Maganga na kampuni ya upimaji na uuzaji wa ardhi inayojulikana kamamakazi estate" ambayo inatuhumiwa kuhusika na mgogoro wa umiliki wa ardhi katika eneo lililopo mtaa wa muhimbili kata ya Pemba Mnazi

Mhe. Chalamila ametoa maagizo hayo leo Agosti 18, 2023 wakati wa ziara yake ya ukaguzi wa  eneo lenye mgogoro wilayani Kigamboni

Sambamba na hilo, ameagiza pia uchunguzi kufanyika kubaini kiasi cha kodi kilicholipwa kwa Serikali dhidi ya  mauziano  hayo na nani alilipwa

“OCD mliangalie hili swala kwa undani ikiwa ni pamoja na kuchunguza uhalali wa sh. Mil. 800 zilizolipwa na kampuni ya Makazi Estate  kwenda kwa Julius Maganga,"amesema Chalamila.

Katika maagizo yake hayo, amevitaka vyombo hivyo vya dola kutumia hadidu za rejea za taarifa za awali za kamati iliyowahi kuundwa kufuatilia changamoto hiyo ili kuweza kuzichunguza zaidi nyaraka za wale wote wanaotuhumiwa kuhusika na mgogoro huo.

Ameelekeza kuwa endapo kutatokea mtu ambaye atakataa  kuhojiwa kwa lengo la kusaidia kukamilisha uchunguzi huo, basi apatiwe taarifa haraka iwezekanavyo ili aweze kumchukulia hatua stahiki.

Katika kudhibiti uwezekano wa kuibuka mgogoro mwingine, Mkuu huyo wa  Mkoa ametoa maelekezo kwa Kamishna wa ardhi Mkoa wa Dar es Salaam  Ndg. Shukrani Kyando  kuwa kuanzia sasa kusitolewe hati zozote zinazohusiana na eneo hilo.

“Kuanzia sasa ni marufuku kutoa hati zaidi ya hizo ambazo zimeshatolewa na zile ambazo utakuja kujiridhisha mwishoni kama zinatakiwa kufutwa au kubaki,” amesema.

RC Chalamila pia ametoa maagizo kwa kamishna wa ardhi kupeleleza mchoro wa eneo la ardhi lenye ekari 150 kama taarifa za upimaji wa eneo hilo zipo ofisi ya Mkurugenzi wa Manispaa ya Kigamboni au la na akamuelekeza Mkurugenzi wa Manispaa Erasto Kiwale kuanza kufanya uhakiki wa kina kuhusu wamiliki wa maeneo yote yanayoonekana kuwa wazi.

Aidha, amempongeza Mkuu wa Wilaya ya Kigamboni @halima_bulembo kwa kuanzisha clinic ya Ardhi