Nyamhanga ametoa muda wa miezi 3 kwa uongozi wa Manispaa ya Kigamboni kukamilisha ujenzi wa nyumba za watumishi

Posted on: August 17th, 2020

Katibu Mkuu Ofisi ya Rais Tawala za Mikoa na Serikali za Mitaa, (TAMISEMI) Mhandisi Joseph Nyamhanga ametoa muda wa miezi 3 kwa uongozi wa Manispaa ya Kigamboni kukamilisha ujenzi wa nyumba za watumishi wa Kigamboni  zinazojenga eneo la Gezaulole  Kata ya Somangila.

 Mhandisi Nyamhanga ametoa agizo hilo leo katika ziara yake aliyoifanya kwa lengo la kukagua na kutembelea utekelezaji wa miradi ya maendeleo ambapo alitembelea eneo la Gezaulole zinapojengwa nyumba 25 za watumishi wa Manispaa ya Kigamboni, Hospitali ya Wilaya pamoja na ujenzi wa Madarasa 4 shule ya Sekondari Aboud Jumbe.

Aidha katika ziara hiyo Mhandisi Nyamhanga kuitia wizara yake ameahidi kutoa fedha kiasi cha Tsh Mil 10 kwaajili ya kuweka Vigae katika Madarasa mapya 4 Shule ya Sekondari Aboud Jumbe na pia ameridhishwa na ujenzi wa Hospitali ya Wilaya na ameipongeza Manispaa kwa kuanza kutoa huduma ya Afya katika Hospitali hiyo

Katibu Mkuu Ofisi ya Rais Tawala za Mikoa na Serikali za Mitaa, (TAMISEMI) Mhandisi Joseph Nyamhanga alipotembelea kwenye Hos[pitali ya Wilaya kuona maendeleo 

Baadhi ya wakuu wa Idara wakiwa kwenye eneo la ujenzi wa nyumba za watumishi.

Katibu Mkuu Ofisi ya Rais Tawala za Mikoa na Serikali za Mitaa, (TAMISEMI) Mhandisi Joseph Nyamhanga akizungumza jambo alipokuwa kwenye Shule ya Sekondari Abdu Jumbe

Katibu Mkuu Ofisi ya Rais Tawala za Mikoa na Serikali za Mitaa, (TAMISEMI) Mhandisi Joseph Nyamhanga akiwa ameambatana na viongozi mbalilmbali kutembelea na kuona miundombinu  kwenye Shule ya Sekondari Abdu Jumbe