Mkuu wa Mkoa wa Dar es Salaam Mhsimiwa Amos Makala ameahidi kuboresha mazingira ya uwekezaji

Posted on: November 19th, 2021

“Sisi kama Serikali ya Mkoa wa Dar es Salaam tunaahidi kuandaa mazingira mazuri ya uwekezaji ili wawekezaji wapate fursa ya kuwekeza.”

Kauli hiyo imetolewa na Mkuu wa Mkoa wa Dar es salaam Mheshimiwa Amos Makala alipotembelea  kiwanda cha kuzalisha vifaa vya umeme ikiwemo Transifoma Nyaya za umeme za ndani na nje ya nyumba cha Elsewedy kilichopo kata ya Kisarawe ii Manispaa ya Kigamboni.

Mheshimiwa Makala ameupongeza uongozo wa kiwanda hicho kwa kuwekeza katika Mkoa wa Dar es Salaam kwani uwepo wake utasaidia kupunguza gharama ya kuagiza vifaa toka nje ya nchi

Aidha katika ziara hiyo Mheshimiwa Makala ametoa wito kwa wawekezaji kuwekeza katika sekta ya nishati kwani fursa zipo nyingi hususani katika kipindi hiki ambapo Serikali inatekeleza sera ya kuhakikisha kila Kijiji kinapata nishati ya Umeme.

Katika ziara hiyo Mheshimiwa Makala pia alitembelea mradi wa ujenzi wa Kiwanja cha Mpira Pamoja na Mabweni yanayojengwa na shirikisho la soka Tanzania (T.F.F) ambapo ametoa wito kwa Shirikisho hilo kuanzisha shule za kukuza kipaji cha mpira wa miguu kwa vijana wadogo ili kuongeza chachu katika mchezo wa Soka.

Mheshimiwa Makala akizungumza na wafanyakazi wa kiwanda cha Elsewedy

Mheshimiwa Makala akionyeshwa shughuli za ujenzi zinazoendelea katika kiwanda cha Elsewedy

Mheshimiwa Makala akisalimiana na Diwani wa Kata ya Kisarawe ii