Mkurugenzi Manispaa ya Kigamboni apokea msaada wa Milion 20 kutoka NMB

Posted on: July 17th, 2019

Mkurugenzi wa Manispaa ya Kigamboni Arch.Ng’wilabuzu Ludigija leo amepokea msaada wa madawati  150 na bando 14 za mabati zenye thamani ya Milioni 20 kutoka Benki ya NMB  ikiwa ni  sehemu ya benki ya kurejesha faida kwa jamii.

Akipokea msaada huo kwenye shule ya Msingi Mjimwema Mkurugenzi amesema kuwa ,Wilaya ya Kigamboni  ni mpya bado ina mahitaji ya miundo mbinu ikiwa ni pamoja na madawati sababu kumekua na idadi kubwa ya wanafunzi wanaojiunga darasa la kwanza na kidato cha kwanza,hivyo ni imani yake kunapokua na  wadau kama NMB wanaounga mkono  Serikali inafarijika kwani hawataki kuona mtoto anakaa chini sababu  ufundishaji unakua mgumu.

Mkurugenzi amesema kuwa NMB wamekua na ushirikiano mzuri na wamekuwa wakisaidia Manispaa katika  huduma mbalimbali ikiwa ni pamoja na  vitanda vya kujifungulia na oparasheni  walivyotoa hivi karibuni kwenye  kituo cha Afya Kigamboni .

 “NMB wamekua karibu kila mwaka wanatusaidia na sio mara moja hivyo tunashukuru pia kwa msaada huu wa madawati, Nashukuru na naahidi nitaendelea kushirikiana nanyi katika kuhakikisha kigamboni inakua na maendeleo”Amesema Mkurugenzi

Ameongeza kuwa  Kutokana na mchango mkubwa  unaoupata  Manispaa kutoka NMB, Manispaa   inataka washirikiane nao kwa kiasi kikubwa ndio maana kutokana na changamoto mbalimbali inayokabiliana nazo imeamua  kufungua akaunti ambayo itawezesha kukusanyia mapato ya ndani lakini pia asilimia 10 inayoenda kuwezesha makundi maalumu ya vijana wanawake na walemvu itakua ikipitia NMB na mikopo itakapokuwa inatolewa itatokea huko.

Mkurugenzi amewashukuru pia walimu kwa jitihada wanazofanya za kutoa elimu kwa wanafunzi mbali na changamoto wanazokabiliana nazo na kuwataka kuendelea kufanya kazi kwa weredi kwani anatambua na kuthamini mchango wao katika ukuaji wa Elimu.

Mkuu wa Mahusiano Serikalini (NMB) Bi. Vicky Bishobu amesema  anashukuru  na kupongeza jitihada ambazo zinafanywa  katika kukuza elimu,pia kuona NMB ni mahali ambapo  Manispaa imeweza kwenda kuomba  ushirikiano ili waweze kuwa  sehemu ya jitihada nzuri  katika kukuza sekta ya elimu”

Bi.Vicky Bishobu amesema kuwa  Benki inakabidhi madawati 150 yenye thamani ya milioni 15  kwenye Shule za Msingi za Ufukoni ,Kibugumo na Amani gomvi  na mabati bando  14 yenye thamani ya  Milioni 5 na kusema kuwa wanaamini kuwa dawati 1 wanaka wanafunzi 5  haitakua imemaliza tatizo  lakini imepunguza kwa kiasi  jitihada za kuhakikisha wanafunzi wanakua na mazingira mazuri ya kusoma .

Aidha amesema kuwa kwa niaba ya Benki anamshukuru Mkurugenzi  kwamba tangia amekuja amewaunga mkono na amekuwa mwepesi  katika kujibu maombi yao ya kutaka kushirikiana zaidi na serikali hasa kusaidia katika jitihada za kukusanya mapato  kwenye Halmashauri na Vituo vya Afya ambapo  hatua iliyofikiwa ni nzuri na wameridhika nayo.

“ ni kitu ambacho hatukua nacho, kwa niaba ya Benki naomba uendelee kutuamini  na utupe nafasi  ili tuweze kushirikiana na kuhakikisha kwamba mianya yote  ya kupotea kwa mapato  inazibwa na sisi tunakua sehemu ya jitihada nzuri ya kuboresha mapato ili kuhakikisha huduma za kijamii zinakua nzuri”. Amesema Vicky

Tunashukuru pia kwa kuitikia wito wa kuchangamkia fursa katika benki tunaendelea kuhakikisha huduma zetu zinabioreshwa zaidi ili kuona ni sehemu ya kupata huduma  nzuri, msisite kutushirikisha maeneo mengine ambayo Benki inaweza ikafanyia kazi.

Akisoma taarifa ya miundombinu ya Shule za Msingi na Sekondari kwa niaba ya Afisa elimu Wilaya Frank Makingi (Afisa elimu Vifaa na takwimu) Amesema kuwa Hali ya miundombinu katika shule bado haikidhi mahitaji kulingana na idadi ya wanafunzi waliopo shuleni  hivyo wadau mablimbali wa ndani na nje ya Halmashauri wanaendelea kualikwa kuunga mkono katika kuboresha miumbombinu ya madawati, vyumba vya madarasa na matundu ya vyoo ili  mazingira ya ufundishaji na ujifunzaji  shuleni yawe bora.