Mkurugenzi aipongeza timu ya Netiboli ya Manispaa kwa ushindi.

Posted on: November 16th, 2020

Mkurugenzi wa Manispaa ya Kigamboni Erasto Kiwale aipongeza timu ya mpira wa netiboli ya Manispaa  ikiongozwa na kocha Mathew Kambona kwa  kushika nafasi ya pili kwenye mashindano yaliyoshirikisha timu  16  za Manispaa za Dar es Salaam ,timu za jeshi  pamoja na timu nyingine za Mitaani kwenye kilele cha maadhimisho ya wiki ya magonjwa yasiyoambukiza Kitaifa yaliyofanyika Viwanja vya Manazi mmoja Dar.es Salaam  kuanzia tarehe 7 -14/11 /2020.

Pongezi hizo amezitoa leo ofisini kwake  alipokuwa akikabidhiwa kikombe cha ushindi wa nafasi ya pili na kikombe cha nidhamu ya timu ambapo amewahamasisha wachezaji kuendelea na mazoezi ili waweze kushiriki mashindano mengine makubwa zaidi ambapo pia ameiahidi timu kuhusu  kukamilika kwa kiwanja cha mazoezi baada ya wiki mbili.

Aidha kwa kupitia afisa michezo wa Manispaa Adolphina Hamisi, Mkurugenzi amemtaka kuweka mazingira rafiki hususani yatakayoiwezesha timu kufanya mazoezi ya mara kwa mara na kutafuta  mechi za kirafiki ili kuijengea uwezo timu.

                   Timu ikiwa pamoja na Mkurugenzi wa Manispaa Ndg. Erasto Kiwale  wakifurahia ushindi wa vikombe walivyoshinda

Msemaji wa Timu Hanifa Kishoma  akimvalisha Mkurugenzi wa Manispaa Ndg. Erasto Kiwale medani ya ushindi

msemaji wa timu Hanifa Kishoma akipeana mono wa pongezi na mkurugenzi baada ya kumvaisha medani ya ushindi

Kapteni wa Timu Bi. Zaituni akimkabidhi kombe la ushindi Mkurugenzi wa Manispaa ya Kigamboni Ndg. Erasto Kiwale

Kocha wa timu Bw. Mathew Kambona akiwa ameshikilia vikombe vya ushindi.