Mikoko elfu kumi (10000) kupandwa Manispaa ya Kigamboni kunusuru majanga

Posted on: April 5th, 2018

Mkuu wa Wilaya ya Kigamboni Mh. Hashim Mgandilwa ameongoza zoezi la upandaji miti ya Mikoko katika fukwe za bahari ya hindi katika mtaa wa Pembacenter kata ya Pembamnazi.

Akiongea katika zoezi hilo jana , Mh.Mgandilwa amewapiga marufuku wananchi wa kata ya Pembamnazi kufanya shughuliza kibinadamu na kuwaasa kuwa walinzi wa mikoko hiyo kwani wao ndiyo wa kwanza watakao athirika kutokana na athari za uharibifu huo unaosababishwa na shughuli za binadamu .

 alisema kuwa eneo ambao limepandwa miti lenye  ukubwa wa zaidi ya hekari kumi limeharibiwa baada ya wananchi wa maeneo hayo na maeneo ya jirani  kukata miti na kuchoma mkaa jambo ambalo ni hatari kwa mazingira.

"Mbali na kilimo, wakazi wa kata  ya Pembamnazi  mnategemea shughuli za uvuvi wa bahari kuendesha maisha yenu ya kila siku ambapo mikoko ni mojawapo ya mazalia ya samaki hivyo ni muhimu kuhakikisha miti hiyo inakuwepo kila wakatai bila kuharibiwa kwa namna yoyote"Alisema  Mkuu wa Wilaya.

Kwa upande wa mratibu wa utunzaji wa mikoko kutoka TFS Ndg.Francis Kiondo amesema wao kama wakala wataendelea kutoa elimu kwa wananchi ambao ndiyo wanatakiwa kuwa walinzi .

 Aidha aliongeza kuwa katika maeneo ambayo mikoko imekatwa wananchi wameanza kuathirika baaada  maji ya bahari kuingia katika makazi na mashamba yao jambo ambalo lisipodhibitiwa  linaweza kusababisha janga kubwa la kimazingira ikiwa ni pamoja na mazalia ya samaki kutoweka.

Zoezi hilo lililoratibiwa na Idara ya Mazingiza na misitu kwa kushirikiana na wakala wa misitu nchini TFS limewezesha upandaji wa miti elfu kumi katika siku ya kwanza huku lengo likiwa ni kupanda miche laki moja katika ukanda wonte wa bahari ya Hindi.

Mkuu wa Wiyala akiongea na wananchi waliofika katika zoezi la upandaji miti kabla ya zoezi kuanza

Mkuu wa Wilaya ya Kigamboni Mh.Hashim Mgandilwa akiwa amebeba mfuko wenye miche ya Mikoko

Mkuu wa Wilaya Mh.Hashim Mgandilwa akipanda mche wa mkoo katika fukwe za bahari ya Hindi kata ya pembamnazi, pembeni ni viongozi na wananchi wakishiriki upandaji.

Katibu tawala wa Wilaya ya Kigamboni Bi.Rahel Mhando akipanda mche wa Mkoko

Maeneo ya fukwe yanavyoonekana baada ya wananchi wa maeneo hayo kukata miti kwa shughuli za kibinadamu.
Wanannchi wakisikiliza maelekezo ya namna ya upandaji miti

Wananchi wakisikiliza maelekezo ya namna ya upandaji miti