MANISPAA YA KIGAMBONI YAPONGEZWA KWA UGAWAJI WA MAENDELEO YA UTAWALA

Posted on: August 11th, 2023

Na Joseph Semkiwa 

Mwenyekiti wa kamati ya ushauri ya wilaya DCC ambaye  pia ni Mkuu wa Wilaya ya Kigamboni Mheshimiwa Halima Bulembo ameupongeza uongozi wa Manispaa ya Kigamboni kwa kuzingatia hatua zote katika mchakato wa kutoa  mapendekezo ya ugawawaji wa maeneo ya utawala (Kata na Mitaa)

Mheshimiwa Bulembo ametoa pongezi hizo leo tarehe 11/08/2023. Katika kikao cha ushauri cha Wilaya DCC  kilichofanyika ili kupokea mapendekezo ya maeneo mapya ya utawala  kilichofanyika katika ukumbi wa Ofisi yake kwa lengo la ya  kusogeza huduma karibu zaidi kwa wananchi.

Aidha amesema kuanzishwa kwa maeneo mapya ya utawala kutasaidia kuharakisha maendeleo kwa haraka pia kutawaondolea adha wananchi kutembea umbali mrefu ili kufuata huduma muhimu.

Kwa upande mwingine Mbunge wa jimbo la Kigamboni Mheshimiwa Faustine Ndugulile ameushauri uongozi wa Manispaa ya Kigamboni kulinda majina ya asili ya maeneo lengwa ili kuepuka mkanganyiko kwa Wananchi

Pia amewataka kuepuka makosa ya kimaandishi na ya uchapaji wa  majina ya Kata na Mitaa mipya ili kuepuka makosa yasiyo ya lazima kwa hatua zinazofuata.

Sambamba na hilo akiwasilisha Mapendekezo hayo Mkurugenzi wa Manispaa ya Kigamboni Ndugu Erasto Kiwale ameeleza kuwa mchakato ni shirikishi na ulianza katika ngazi ya Mtaa kabla ya kufika katika Kamati ya ushauri ya wilaya 

Baadhi ya wajumbe walioshiriki katika kikao cha ushauri cha Wilaya DCC kilichofanyika kwa lengo la kupokea mapendekezo ya maeneo ya utawala 

Mkuu wa Wilaya ya Kigamboni Mheshimiwa Halima Bulembo akiongea na Wajumbe 

Mkurugenzi wa Manispaa ya Kigamboni Ndugu Erasto Kiwale akiwasilisha Mapendekezo