Manispaa ya Kigamboni yapokea msaada wa Viti 500 na Meza 500 kutoka Oryx energies

Posted on: June 24th, 2020

“Tukiwa na nidhamu na tukatunza samani katika shule zetu, hutatakuwa na changamoto ya viti na meza”

Kauli hiyo imetolewa na Mkuu wa Wilaya ya Kigamboni Mheshimiwa Sarah Msafiri wakati akipokea msaada wa Viti 500 na meza 500 vyenye thamani ya Tsh Mil 37 kutoka kwa mdau wa elimu, Oryx energies katika hafla fupi ya makabidhiano  iliyofanyika mapema leo ikiwa ni maandalizi ya kuanza kwa muula wa masomo kwa shule za Sekondari.

Aidha katika hafla hiyo Mheshimiwa Mkuu wa wilaya alitumia furasa hiyo  kuwataka Walimu kushiriana na wazazi/walezi ili kuweka utaratibu mzuri wa usimamizi wa Samani hizo ili kukabiliana na uhaba.