Makarani waongozaji wapiga kura watakiwa kufanya kazi kwa weledi

Posted on: October 22nd, 2020

“Naomba muwe na busara, hekima, uvumilivu, muwe makini na mfanye kazi kwa

weledi”

Wito huo umetolewa na Msimamizi wa uchaguzi jimbo la Kigamboni Ndugu,

Erasto Kiwale leo katika mafunzo yaliyohusisha makarani waongozaji wapiga kura

435 yaliyofanyika katika ukumbi wa chuo cha Mwalimu Nyerere ili kuhakikisha

uchaguzi unafanyika kwa kufuata taratibu na sheria.

Aidha katika mafunzo hayo Ndugu Kiwale amesisitiza nidhamu wakati wa

kuwahudumia wapiga kura na kuwataka kuepuka kutoa kauli mbaya wakati wa

kipindi chote cha upigaji kura kwa kuzingatia makundi maalum ya Wazee

Wamama wajawazito na watu wenye ulemavu.

Uchaguzi mkuu wa Raisi Wabunge na Madiwani unatarajia kufanyika Siku ya

Jumatano tarehe 28/10/2020 ambapo utahusisha kata zote 9 za Manispaa ya

Kigamboni zenye vituo 417 vilivyopo katika Mitaa 67