Madiwani na Watendaji wa Kata wapewa mafunzo ya kanuni na miongozo ya utoaji mikopo ya 10%

Posted on: May 19th, 2021

Mkurugenzi Wa Halmashauri ya Manispa ya Kigamboni  Ndg.Erasto Kiwale amewasisitiza wakufunzi kuzingatia miongozo, kanuni na sheria zinazoongoza utoaji wa mikopo ya asilimia 10% ya wanawake, vijana na watu wenye ulemavu katika mafunzo  ili kuleta uelewa wa pamoja kwa Madiwani na watendaji wa Kata wanaopatiwa mafunzo hayo

Akizungumza wakati wa ufunguzi kwenye ukumbi wa Mikutano wa Manispaa, Mkurugenzi amesema kuwa wameona ni vyema kuandaa mafunzo hayo ili kuleta uwajibikaji wa pamoja kati ya wataalamu na Madiwani linapokuja suala la mikopo ya asilimia 10 ili kuondoa changamoto ambazo zimekuwa zikijitokeza

Aidha Mkurugenzi amesisitiza mafunzo kuwa shirikishi ikiwa ni pamoja na kujitahidi kuzingatia na kujielekeza kwenye mambo ya msingi.

 Mafunzo haya ya Muongozo wa Manispaa wa utoaji na usimamizi wa mikopo ni ya siku moja na yamewalenga Watendaji wa Kata na Madiwani kwasababu ndio wanaoshiriki moja kwa moja na wananchi kwenye maeneo yao amabapo pia Maafisa maendeleo ya Jamii na Baadhi ya Wakuu wa Idara wameshiriki.

Mkurugenzi wa Manispaa ya Kigamboni Ndg. Erasto Kiwale akifungua mafunzo kwenye ukumbi wa Mikutano wa Manispaa.

Baadhi ya Waheshimiwa Madiwani wakifatilia mafunzo.

Waheshimiwa Madiwani wakifatilia Mafunzo

Watendaji wa Kata wakifatilia mafunzo

Baddhi ya Maafisa Maendeleo ya Jamii ngazi ya Kata wakifatilia mafunzo

Baadhi ya Wakuu wa Idara wakifatilia mafunzo.

Mratibu wa Mikopo wa Manispaa ya Kigamboni Bi. Christine Ulaya akitoa mafunzo.

Mkuu wa Idara ya Maendeleo ya Jamii Bi. Happy Luteganya akitoa utangulizi wa mafunzo hayo.