MAANISPAA YA KIGAMBONI YAONGOZA MATOKEO DARASA LA SABA.

Posted on: October 25th, 2017

Manispaa ya Kigamboni ni kati ya Manispaa changa kabisa nchini ikiwa na umri wa mwaka mmoja baada ya kugawanywa toka Manispaa ya Temeke mwaka 2016. Manispaa hii ina jumla ya shule 39 kati ya hizo shule 30 ni za serikali na zingine tisa ni za watu binafsi na taaasisi mbali mbali za kidini.

Katika Matokeo ya darasa la saba ya mwaka 2017 , Halmashauri ya Manispaa ya Kigamboni imefanikiwa kushika nafasi ya saba kati ya zaidi ya shule 3000 kote nchini.

''haya ni mafanikio makubwa sana na tunatakiwa kuyalinda kwa gharama yoyote'' alisema Mkurugenzi wa halmashauri hiyo ndg Stephen Katemba.

Matokeo hayo yameasha hari ya kila mwana kigamboni huku ppongezi nyingi zikipelekwa kwa walimu wote ambao mchango wao wa moja kwa moja umeonekana katika matokeo hayo.