KILA MTUMISHI WA UMMA ATIMIZE WAJIBU WAKE - KAKUNDA.

Posted on: March 2nd, 2018

Naibu Waziri Ofisi ya Rais TAMISEMI Mh. Joseph Geoge Kakunda amewataka watumishi wa Halmashauri ya Manispaa y kigamboni pamoja na watumishi wote kote nchini kufanya kazi kwa bidii ili kufikia malengo yaliyokusudiwa na Serikali ya kuwasogezea huduma karibu tofauti na awali ambapo wananchi wa maeneo ya Kigamboni walikuwa wakifuata huduma katika Manispaa ya Temeke.
 Ziara ya siku moja ya Mh. Kakunda ilianzia katika shule ya msingi Pembamnazi na kisha kutembelea shule ya msingi Yale yale puna zote katika kata ya Pembamnazi katika Manispaa ya Kigamboni. Mh.Kakunda amewapongeza walimu wa shule hizo pamoja na kujionea changamoto kadhaa katika shule hizo ambapo Mkurugenzi wa Halmashauri ya Kigamboni Ndg Stephen Katemba ameahidi kuzifanyia kazi ndani ya muda mfupi.
 Baada ya ziara hiyo Mh. Kakunda alipata nafasi ya kuongea na watumishi wa Manispaa ya Kigamboni ambapo aliwapongeza kwa kufanya vizuri katika matokeo ya darasa la saba mwaka 2017 ambapo Manispaa ya Kigambano ilishika nafasi ya saba kati ya halmshauri 184 kote nchini na pia amewata kuendelea kufanya kazi kwa bidii ili kutimiza azma ya Mh. Rais Dr. John Pombe Magufuli ya kuwaletea wanannchi wake maendeleo na kupunguza kero zinazoweza kutatulika ndani ya Manispaa.
 Kwa upande wake Mkurugenzi wa Manispaa ya Kigamboni amemuahidi Mh.Waziri kuyafanyia kazi yale yote aliyoagiza ndani ya muda mfupi na kisha kumpa taarifa kabla ya mwezi wa saba mwaka huu 2018.