KIKAO CHA MAANDALIZI YA NANENANE KANDA YA MASHARIKI

Posted on: July 15th, 2022

KAMATI KUU KANDA YA MASHARIKI CHAFANYA KIKAO CHA PILI CHA  MAANDALIZI YA MAADHIMISHO YA SIKU YA NANENANE 2022

Kamati Kuu Kanda ya Mashariki ya maonesho ya Nanenane Leo hii 15/7/2022 imefanya   kikao cha pili cha maandalizi  ya maadhimisho  kwa 2022. Hayo yamejiri Leo 15/7/2022 katika  Ukumbi wa JKT uliopo Viwanja vya nanenane Morogoro.

 Akifungua kikao mwakilishi wa Mwenyekiti wa kikao hicho Mh Malima wa Mkoa wa Tanga  amewakaribisha wajumbe na kuwashukuru kwa kuja Kisha kuwakaribisha sekretarieti kwa ajili ya kuzipitia na kujadili agenda za kikao.

Kikao hicho kilihusisha agenda kadhaa kwa ajili ya maandalizi ikiwepo agenda ya taarifa ya Maandalizi na Bajeti ya Maonesho ya Nanenane Kanda ya Mashariki 2022.

Kwa mwongozo wa Mwenyekiti bajeti ilipitiwa na kujadiliwa kwa kina na kufanya maamuzi.

Aidha Kamati ilipata nafasi ya kutembelea mabanda yote  ya halmashauri za Kanda hii ili kujionea hali halisi ya maandalizi ikiwepo vipando .

Pamoja na hilo pia imeagizwa Maafisa Habari wa Halmashauri kuhusishwa katika kamati ya habari ya maandalizi ya nanenane.

Aidha imeshauriwa maafisa habari wa halmashauri kuanza uhamasishaji wananchi kushiriki maonesho katika viwanja vya Nanenane Morogoro.

Akifunga kikao Mwenyekiti amezitaka halmashauri kufanya ukaguzi wa vipando vyao katika mabanda Yao hapa viwanja vya Nanenane Morogoro na kila halmashauri ijipime na halmashauri nyingine ili kuboresha ili yawe katika hali njema pia kufanya maandalizi ya vikundi vya wakulima na mifugo.

Maadhimisho haya yamerejeshwa tena na serikali ya awamu ya sita ambapo 2021 hayakufanyika  yataadhimishwa 8/8/2022.

IMETOLEWA NA KITENGO CHA HABARI NA MAWASILIANO MANISPAA YA KIGAMBONI