Kigamboni yapongezwa Hati safi miaka 3 mfululizo

Posted on: June 10th, 2020

Uongozi wa Kigamboni umepongezwa kwa kusimamia vizuri fedha za Serikali  na ukusanyaji wa mapato  hali iliyopelekea kupata hati safi kwa miaka mitatu mfululizo.

Pongezi hizo zimetolewa na Bw.Suleiman Mwaliwale  Mkaguzi wa nje wa Hesabu za Serikali za mitaa Jana kwenye Baraza maalumu la hoja kwa mwaka wa fedha 2018/2019 lililofanyika kwenye ofisi za Mkurugenzi.

Kwa upande wake Katibu Tawala Msaidizi Bi. Marry Assey kutoka ofisi ya Mkuu wa Mkoa amesema ili kuendelea kufanya vizuri ni vyema kila Idara isimame kwenye nafasi yake na kuepuka maswali yatakayopelekea hoja kwakuwa na vielelezo sahihi pindi wakaguzi watakapofika kukagua.