Kamati ya Lishe ya Manispaa ya Kigamboni leo Jumatano Novemba 22.2023 imefanya kikao cha maandalizi ya awali ya Mpango na bajeti ya afua za Lishe kwa mwaka wa fedha 2024/2025

Posted on: November 22nd, 2023

Kikao hicho kimefanyika katika ukumbi wa Manispaa ambapo kilishirikisha wajumbe kutoka katika idara na vitengo Mtambuka vinavyounda kamati hiyo ambazo ni Kilimo, Mifugo na Uvuvi, Maendeleo ya Jamii, Elimu Msingi na Sekondari usatwi wa jamii,  Mipango uratibu na ufuatiliaji, Huduma za sheria pamoja na fedha na uhasibu

Akiiwasilisha bajet hiyo Afisa Lishe wa Manispaa ya Kigamboni Bi. Henerietha Henry amesema lengo la kikao hicho ni kujadili shughuli mbalimbali za lishe zitakazoingizwa kwenye Mpango na bajeti ya lishe ya Halmashauri kwa mwaka wa fedha 2024/2025 kwa kuzingatia changamoto zilizojitokeza kwa Mwaka wa fedha ulioisha ikiwemo; tatizo la upungufu wa damu kwa Mama wajawazito, lishe kwa vijana balehe, utoaji wa chakula Mashuleni, uzito uliozidi na viribatumbo, watoto kuzaliwa na uzito pungufu wa chini ya kg 2.5 n.k

Hata hivyo  Afisa lishe wa Mkoa wa  Dar es Salaam Bi Mwanamvua Zuberi pamoja na Mganga Mkuu wa Manispaa Dkt. Lucas Ngamtwa  wameishauri kamati hiyo  kuongeza makadirio ya bajeti ya mwaka kwa watoto kutoka 1000 hadi 1500.

Aidha Bi Mwanamvua pia amewashauri wataalam wa Kamati hiyo kuandaa bajeti ambayo ni shirikishi kwa sekta zote ili iwe rahisi kurejea wakati wa utekelezaji