Idara ya Maendeleo ya Jamii yaendesha mafunzo ya Vijana Wanawake na watu wenye ulemavu kwa wataalamu

Posted on: September 30th, 2024

Mkuu wa Idara ya Maendeleo ya Jamii Bi. Enedy Mwanakatwe  leo tarehe 30/9/2024 amefungua mafunzo ya utoaji  na usimamizi wa mikopo kwa vikundi vya wanawake, vijana  na watu wenye ulemavu kwa maafisa maendeleo ya jamii  ngazi ya wilaya na kata  Yenye lengo la kuwajengea uwezo maafisa hao katika maeneo ya mikakati, miongozo na kanuni juu ya utoaji na usimamizi  wa mikopo.

Akizungumza wakati wa Mafunzo Bi Enedy alisema Rais wa Jamhuri ya Muungano wa Tanzania Mhe.Dkt. Samia Suluhu Hassan ameirudisha mikopo ili wananchi waweze kujikwamua kiuchumi kupitia mikopo hiyo yenye masharti nafuu isiyo na riba.

Akiendelea amesema maafisa maendeleo wanajukumu la kutoa elimu na kuhamasisha wananchi kuachana na mikopo ya kausha damu  yenye kudhalilisha utu wa mtu na badala yake wananchi kupitia maafisa maendeleo ya jamii wahamasishwe utaratibu wote wa kuweza kuunda vikundi na kuomba mikopo kwa kuzingatia nyaraka zote zitakazo wawezesha kupata mikopo itakayowawezesha kuboresha uchumi wa familia na jamii kwa ujumla

Amesema tayari utaratibu wa awali umeanza kwa utolewaji wa mikopo hiyo umeshaanzishwa kwa kuwapa wataalamu ngazi ya Halmashauri na kata kwa kuwapatia  mafunzo hayo

Pamoja na mambo mengine Bi Enedy aliwataka maafisa maendeleo kuendelea kutumia nafasi yao ya kusimamia jamii kwa kuhamasisha  kujianda kujiandikisha kwenye Daftari la Kudumu la wapiga kura zoezi litakalo anza tarehe  11 hadi 20 mwezi octoba.