DMDP kuboresha miundombinu ya barabara Manispaaya Kigamboni

Posted on: September 25th, 2024

Changamoto ya Miundombinu ya Barabara pamoja na Mifereji ya maji taka katika Halmashauri ya Manispaa Kigamboni Jijini Dar es salaam imepata mwarobaini baada ya Mradi wa uendelezaji wa miundombinu ya Dar es salaam (DMDP)  kutenga fungu maalumu  kwaajili ya utatuzi wa Kero hizo

Mkuu wa wilaya hiyo Mh Halima Bulembo ameyasema hayo akiwa kata ya Tungi wakati wa ziara yake  maalum ya  mtaa kwa Mtaa yenye lengo la kusikiliza na Kutatua kero za wakazi wa Kigamboni ambapo amesema Rais Dkt Samia suluhu Hassan ameidhinisha Mradi huo wa DMDP awamu ya pili na unatarajia kuanza mwezi Octoba hadi Novemba Mwaka huu.

Mhe Bulembo  amesema Mradi huo ukitekelezwa utapunguza kwa kiasi kikubwa kutuama kwa maji machafu katika maeneo ya Mitaa mbalimbali ambayo imekuwa kero ya wanakigamboni kwa muda mrefu sambamba na kurahisisha shughuli za kiuchumi kutokana na Barabara Kupitika kwa urahisi

Amesema tayari utaratibu wa awali wa kuanzia mradi huo umefanyika na kilichobaki ni wakandarasi kuanza utekelezaji ambao wataanza na Kilomita 21 za awali.

Pamoja na mambo mengine Bulembo aliwataka wanakigamboni kujiandaa na kujiandikisha kwenye Daftari la Kudumu la wapiga kura, zoezi litakalo anza tarehe  11 hadi 20 mwezi oktoba ili watibu haki yao ya kikatiba ya Kumchagua kiongozi wanae mtaka