Dc kigamboni azungumza na baraza la ushauri la wazee

Posted on: February 21st, 2023

Mkuu wa wilaya ya Kigamboni mh. HALIMA Bulembo  amekutana na baraza la ushauri la wazee kwa lengo la kupata ushauri, kusikiliza changamoto pamoja na kujua mambo kadha wa kadha yahusuyo wazee.

Akizungumza  wakati wa kikao hicho kilichofanyika katika ofisi ya Mkuu wa Wilaya  Kepteni mstaafu  Samweli Ngasa amewasilisha changamoto ya miundo mbinu ya  bara bara ikiwemo ukosefu wa mitaro ya kupitisha maji machafu

Aidha  Brigedia mstaafu Haroon Othumani  Mwenyekiti wa baraza la wazee wilaya  amemuomba Mkuu wa Wilaya  kuzungumza na Mkurugenzi Mtendaji  wa Manispaa kuwepo na ushiriki rasmi wa wazee katika vikao vya Baraza la Madiwani ili waweze kupata wasaa wa kutoa mawazo yao.

Akijibu hoja ya kutoshirikishwa kwenye  vikao vya baraza Mh. Bulembo alisema "Nitamuelekeza

Mkurugenzi kusimamia swala la wazee kushiriki  vikao vya mabaraza ya Madiwani, kwa kuwa si jambo kubwa sana na wala halitagharimu chochote zaidi uwepo wenu utatuongezea maarifa ndani ya mabaraza hayo"

Akimalizia Mh Mkuu wa Wilaya aliwataka wazee kuwa na subra wakati akiendelea kufanyia kazi changamoto zote walizowasilisha ikiwemo kuongezewa idadi ya wazee wanaotakiwa kupatiwa kadi za matibabu.

Mkuu wa wilaya ameendelea kufanya vikao na viongozi wa makundi mbali mbali ambapo anatarajia kukamilisha  ratiba hiyo ifikapo Februari 24, 2023.