DC Bulembo awataka wananchi kushiriki ujenzi wa Miradi ya Maendeleo

Posted on: June 18th, 2023

Mkuu wa  Wilaya ya kigamboni Mh. Halima Bulembo amewataka wananchi kushiriki katika ujenzi wa miundo mbinu hususani vyumba vya madarasa.

Hayo ameyasema leo Juni 19, alipowasili katika mtaa wa Ngoma Mapinduzi uliopo kata ya Kisarawe 2 ikiwa ni sehemu ya ziara yake ya Mtaa kwa Mtaa.

Mh Bulembo amesema Serikali inaendelea kutekeleza ujenzi wa miundo Mbinu ndani ya Wilaya ya Kigamboni na mpaka kufikia june 2023 tayari imepokelewa zaidi ya  shilingi bilioni 1.9 kupitia mradi wa BOOST.

"Niwaombe tutoe maeneo na tushiriki kwenye ujenzi wa madarasa ili inapotokea serikali inatuletea fedha wataalam wazielekeze maeneo ambayo tayari wananchi wamewekeza nguvu zao"

Aidha Diwani wa kata ya Kisarawe 2  Mhe.  Issa zahoro amewasitiza wazazi  kuacha tabia ya kuficha watoto wenye ulemavu kwa kuwa tayari Serikali inaendelea kujenga miundo mbinu ambayo ni rafiki kwa watu wenye mahitaji maalum.

"Tusiwafungie watoto wenye mahitaji tukidhani kuwa tayari wameshapoteza kwenye maisha, tuwapeleke shule

kwa sababu kuna bweni linalohudumia watoto wenye mahitaji lipo shule ya msingi  Chekeni mwasonga iliyopo hapa Kisarawe 2"  alisema Mhe. Zahoro.

Kiasi cha takribani milioni 120 zimetolewa  kujenga bweni  la wanafunzi wenye mahitaji maalum ikiwa ni fedha kutoka serikali kuu kupitia mradi wa TEHA mil 70 na mapato ya ndani Mil. 50.