CMT YAFANYA UKAGUZI MIRADI YA MAENDELEO

Posted on: September 7th, 2022

TIMU YA MENEJIMENTI YA MANISPAA KIGAMBONI   WAKAGUA MIRADI 3   YENYE LENGO LA  KUONGEZA MAPATO ILI KUJIONEA HATUA  UTEKELEZAJI ZINAZOENDELEA

Hayo yamejiri 6/9/2022 ambapo timu ya Menejimenti ya Manispaa ya Kigamboni wamekagua miradi yenye lengo ya kuiongezea Manispaa hiyo mapato itakapokamilika.

Miradi hiyo ni ujenzi wa Soko la mazao linalojengwa katika kata ya Somangila ambapo mpaka kukamilika kwake jumla ya Tshs.milioni 100 zitatumika mpaka sasa imeshatoa  mil.50 za mapato ya Ndani na tayari kiasi kilichobaki kimeingizwa katika bajeti ya 2022/2023.Litakapokamilika soko hili litaiongezea halmashauri mapato kupitia ushuru utakaokuwa unalipwa na wafanyabiashara watakaokuwa wanatunia soko hili, pamoja na kusogeza huduma Kwa wananchi wa eneo hili ambao hawana huduma ya Soko.

Mradi mwingine uliokaguliwa ni mradi wa ujenzi wa Machinjio ambapo mradi huu Hadi Kwisha kwake utagharimu Tshs.mil 180 katika awamu ya Kwanza tayari millions 80 zimeshatolewa .Mradi  huu utakuwa na uwezo wa  kuchinja ng'ombe 20 mpaka 30  kwa siku.Chanzo cha pesa ni mapato ya ndani ya Manispaa

Pamoja na hiyo mradi mwingine uliyokaguliwa ni mradi wa ujenzi wa sehemu ya abiria kupandia daladala (shade)katika stendi inayotarajiwa kujengwa katika eneo la NAFCO   ambapo kutokana na mahusiano mazuri ya Manispaa na wadau wa Kigamboni Kampuni ya Lake Cement wamejitolea kujenga sehemu hiyo  kwa nia ya kurudisha huduma kwa jamii na kuonyesha mchango wao kama sehemu ya kuwajibika kwa jamii inayowazunguka.

Akiongea kiongozi wa timu hiyo ya ukaguzi wa miradi ambaye ni  Kaimu Mchumi  kwa niaba ya Mkurugenzi bi.Eutropia Mlela amesema wameridhishwa na maendeleo ya miradi waliyokagua kwa kumekuwa imepiga hatua nzuri ya mwendelezo tofauti na walipokagua mara ya mwisho.  Wamewashukuru Mkurugenzi na wasimamizi wa Idara husika kwa ushirikiano katika utekelezaji wa miradi hiyo yenye lengo la  kuongeza tija katika kuongeza ukusanyaji wa mapato ya Manispaa,lakini pia kuongeza huduma bora Kwa wananchi ikiwa ni utekelezaji wa Ilani ya Uchaguzi wa Chama Tawala CCM.

Imetolewa na Kitengo cha Mawasiliano Serikalini KGMC