Mkurugenzi wa Manispaa ya Kigamboni anapenda kuwataarifu waombaji kazi wote walioomba kazi kuwa, usaili unatarajiwa kuendeshwa kuanzia tarehe 29-30 Septemba, 2017 na hatimaye kuwapangia vituo vya kazi waombaji kazi watakaofaulu usaili huo.
Wasailiwa wanaoitwa kwenye usaili wanapaswa kuzingatia maelekezo yafuatayo:-
Usaili wa mchujo utafanyika tarehe 29-30 Septemba, 2017 kama ulivyotangazwa kwenye tangazo.
Muda wa Usaili umeainishwa kwa kila Kada.
Kila msailiwa anapaswa kuwa na kitambulisho kwa ajili ya utambuzi.
Vitambulisho vinavyokubalika ni pamoja na Kitambulisho cha Makazi, Kitambulisho cha Mpiga Kura, Kitambulisho cha kazi, kitambulisho cha Uraia au Hati ya kusafiria.
Wasailiwa wanatakiwa kufika na vyeti vyao Halisi vya kuanzia Kidato cha IV, VI na Astashahada tu.
Wasailiwa watakao kosa vyeti halisi na badala yake kuwasilisha ‘’Testimonials’’ Provisional Results ‘Statement of Results’ hati ya matokeo za kidato cha IV na VI (Form IV and Form VI, Results Slips) HAUTAKUBALIWA NA HAWATARUHUSIWA KUENDELEA NA USAILI.
Kila msailiwa atajigharamia kwa chakula, Usafiri na malazi.
Kila msailiwa azingatie tarehe na mahali alipopangiwa kufanya usaili.
Kila msailiwa afike na picha yake “Passport Size”.
Kwa wale waliosoma Nje ya Tanzania, wahakikishe vyeti vyao vimehakikiwa na kuidhinishwa na Mamlaka husika (TCU, NACTE na NECTA).
Waombaji kazi ambao majina yao hayakuonekana katika tangazo hili, watambue kuwa hawakukidhi vigezo. Hivyo wasisite kuomba tena pindi nafasi za kazi zitakapotangazwa tena.
