Taasisi na Halmashauri za Mkoa wa Dar es Salaam zatakiwa kuwahudumia Wananchi

Posted on: November 6th, 2024

Katibu Tawala Mkoa wa Dar es Salaam Mhe. Dkt. Toba Nguvila amewataka viongozi wa Taasisi pamoja na Halmashauri zote za Mkoa wa Dar es Salaam kufanya kazi kwa ushirikiano ili  kutimiza malengo  ya mwaka ya Mkoa ya kuwahudumia wananchi kikamilifu.

Dkt. Nguvila ametoa agizo hilo katika siku ya pili ya kikao cha robo ya kwanza ya Mwaka wa fedha 2024/25 chenye lengo la kujadili na kupata mrejesho wa utekelezaji wa magizo mbalimbali ya Serikali.

“Taasisi zina malengo yake na pia Halmashauri zina malengo yake, hivyo ni vyema kukutana kama hivi ili kuangalia namna kuweka Mikakati ya kuwahudumia wananchi.” amesema Dkt. Nguvila.