Kwa niaba ya Uongozi mzima na Watumishi wa Halmashauri ya Manispaa ya Kigamboni, ninayo furaha kuwakaribisha kwenye tovuti pamoja na mitandao yetu ya kijamii ambayo kwa pamoja imeboreshwa na kutengenezwa kwa umahiri mkubwa kwa lengo la kuhabarisha umma kuhusu shughuli zinazofanywa na Manispaa ya Kigamboni katika juhudi za kuboresha utoaji wa huduma kwa wananchi kwa kupitia Idara na sekta mbalimbali. Ni imani yangu kuwa tovuti hii itakuwa ni nyenzo sahihi itakayowezesha wananchi kupata habari, taarifa pamoja na elimu kupitia nyaraka mbalimbali na video ambazo zinapatikana kwa urahisi.
Nyaraka hizo ni pamoja na Taarifa za Miradi na uwekezaji , Sheria Ndogo za Manispaa ya Kigamboni, Fursa za uwekezaji, Huduma mbalimbali zinazotolewa kwa wananchi, Shughuli za kuichumi, matangazo mbalimbali pamoja na Habari zenye matukio mbalimbali kwa wakati.
Aidha, tovuti hii ina video mbalimbali kwa ajili ya umma na hivyo kuifanya kuwa ni miongoni mwa sehemu muhimu za marejeo katika masuala mbalimbali ya utekelezaji wa adhma ya serikali katika utoaji wa huduma bora, uwajibikaji na uwazi.
Napenda kutambua mchango mkubwa unaotokana na juhudi na jitihada zinatopelekea kupata matokeo makubwa yanayoletwa na uadilifu mkubwa wa Menejimenti na watumishi waliodhamiria kuweka juhudi kubwa katika kuboresha utendaji wa Serikali na utoaji huduma bora kwa wananchi.
Mwisho, natoa wito kwa wananchi na wadau wote kuendelea kupitia tovuti hii na mitandao yetu ya kijamii mara kwa mara na kuwasihi kuwasiliana nasi kwa na maoni, ushauri kwa ajili ya uboreshaji au kuhitaji ufafanuzi zaidi juu ya huduma zetu.
Asante.
Mh. Ernest Mafimbo
Mstahiki Meya wa Manispaa ya Kigamboni.
