ZIARA UKAGUZI USIMIKAJI WA X-RAY MASHINE KITUO CHA AFYA KIMBIJI

Posted on: September 1st, 2022

MKUU WA WILAYA YA KIGAMBONI AFANYA ZIARA KUKAGUA  USIMIKAJI MASHINE YA X-RAY  KIMBIJI

Hayo yamejiri Leo 31/9/2022 ambapo Mh.Fatma Almas Nyangasa amefanya ziara kukagua usimikaji wa mashine ya x-ray katika kituo cha afya Kimbiji.

Akiongea mara baada ya ukaguzi huo Mh.Nyangasa amesema mashine hiyo ya kisasa   imekuja wakati muafaka kwani wananchi wa eneo hilo walikuwa wakifata huduma za x-ray umbali wa kilometa 20 lakini sasa huduma hiyo imesogezwa karibu na itasaidia wananchi wa kata hiyo na Kata jirani ya Pemba mnazi.

Akiongelea jitihada za serikali amesema anamshukuru Rais wa Jumhuri ya Muungano wa Tanzania kwa jitihada za kuboresha huduma za afya Kigamboni na hata kupata shillings mil.365 katika bajeti ya 2022/2023 kwa ajili ya miundo mbinu ya afya,vifaa tiba .

Aidha amesema huduma ya x-ray itaanza hivi karibuni katika wiki tatu zijazo.

Nae  Mganga Mkuu wa Manispaa ndg.Lucas Ngamtwa amesema x-ray hiyo ya kisasa itakuwa na uwezo wa kuhudumia wananchi 300 kwa siku hivyo kuwahakikishia wananchi kuwa huduma zitakuwa za uhakika.

Chanzo cha pesa za ununuzi wa X-ray hiyo ni pesa za Uvico-19.

Imetolewa na Kitengo cha Mawasiliano Serikalini.