wenyeviti wa serikali za mitaa watakiwa kuimarisha ulinzi shirikishi

Posted on: September 15th, 2022

Mwenyekiti wa kamati ya Ulinzi na usalama ambaye pia ni mkuu wa Wilaya ya Kigamboni Mheshimiwa Fatma Almas Nyangasa amewaelekeza  wenyeviti wa serikali za mitaa ambao pia ni wenyeviti wa kamati za ulinzi katika ngazi ya mitaa yao kuhakikisha ulinzi shirikishi unafanyika kikamilifu sambamba na utoaji taarifa ya hali ya usalama katika maeneo yao.

Sambamba na hila DC Nyangasa amewataka Wananchi kutoa taarifa haraka kwa jeshi la polisi juu ya mtu, kikundi au mazingira yoyote yenye mashaka ili zifanyiwe kazi kukabiliana na vitendo vya uhalifu kwa ujumla.

Katika kikao kazi  Maalum na wenyeviti wa serikali za mitaa leo , DC Nyangasa amewatahadharisha vijana kutojihusisha na vitendo vya uhalifu na kwamba tayari

Jeshi la polisi Wilaya ya Kigamboni limeanza oparesheni Maalum kata kwa kata wilayani humo huku likitahadharisha vijana na kuwataka wazazi kuwaonya vijana wao.

Naye Mkuu wa Polisi wilaya ya Kigamboni OCD Thobias Walelo amesema timu yake iko timamu kuhakikisha usalama kigamboni unaendelea kuimarika, huku akiwataka wananchi kutoa ushirikiano katika upatikanaji taarifa za wanaojihusisha na vitendo vya uhalifu.

Kikao hicho kimehudhuriwa na wenyeviti wa serikali za mitaa yote pamoja na Watendaji wa Kata zote za Manispaa ya Kigamboni.