Waziri wa TAMISEMI aipongeza Manispaa ya Kigamboni kwa ujenzi wa Nyumba za watumishi

Posted on: October 6th, 2020

1. ---

   "Nimefurahi na nimeridhishwa na utekelezaji wa Mradi huu nimeona kazi nzuri."

Kauli hiyo imetolewa na Waziri wa Nchi Ofisi ya Raisi Tawala za Mikoa na Serikali za Mitaa (TAMISEMI) Mheshimiwa Selemani Jafo mapema leo alipotembelea na kukagua ujenzi wa nyumba 25 za Watumishi wa Wilaya ya Kigamboni zinazojengwa katika eneo la Gezaulole Kata ya Somangila, Manispaa ya Kigamboni, ikiwa ni utekelezaji wa agizo la Raisi wa Jamhuri ya Muungano wa Tanzania Dr John Pombe Magufuli.

Aidha katika ziara hiyo Mheshimiwa Jafo ameupongeza uongozi wa Manispaa ya Kigamboni kwa usimamizi wa karibu katika kuhakikisha mradi huo unakamilika kwa wakati.