Watendaji wa Kata watakiwa kuhamasisha Usafi

Posted on: September 6th, 2023

Mkurugenzi wa Halmshauri ya Manispaa ya kigamboni Ndugu Erasto Kiwale emewataka Watendaji wa Kata zote za Manispaa ya Kigamboni kuhakikisha wanatenga maeneo ya Viunga pamoja na kusimamia vizuri swala zima la usafi katika maeneo yao kwa lengo la kuiweka  Manispaa ya Kigamboni katika hali ya Usafi.

Ndugu Kiwale ametoa agizo hilo  leo Septemba 06,2023 katika kikao kazi alichokifanya na Watendaji wa Kata kwa lengo la kushirikiana na kupeana mrejesho katika maswala mbalimbali ya kiutendaji.

Aidha amewataka kutoa elimu ya utupaji taka hovyo  kwa Wananchi pamoja na kuandaa mpango kazi wa kuwahamasisha  kushiriki katika mazoezi ya Usafi kwenye maeneo ya umma.

Sambamba na hilo amewataka kushiriki kikamilifu katika ujenzi wa miradi ya Maendeleo pamoja na kusimamia ujenzi holela katika maeneo yao

Kwa upande mwingine amewaagiza  kuanzisha dawati la kusikiliza na kutatua kero za Wananchi ngazi ya Kata ili kusaidia Wananchi katika maeneo yao.

Mkurugenzi wa Manispaa ya Kigamboni akiongea na Watendaji wa Kata 

I