Wamiliki wa Daladala Wilaya ya Kigamboni watakiwa kuwasilisha changamoto za mapema ili ziaoatiwe ufumbuzi

Posted on: May 6th, 2022

Mkuu wa Wilaya ya Kigamboni Mheshimiwa Fatma Almasi Nyangassa amewataka Wamiliki wa wa Daladala Kigamboni kuwasilisha changamoto zinazowakabili mapema ili zifanyiwe kazi na kupatiwa ufumbuzi kabla ya kuchukua hatua ya kusitisha huduma kwa wananchi.

Amesema hayo katika kikao Maalum mchana wa leo kufuatia mgomo wa daladala ambacho kilishirikisha wamiliki wa daladala na uongozi wa LATRA na Mkuu wa Wilaya mwenyewe na kutatua mgogoro huo.

Pamoja na kutatua mgomo wa daladala,  mkutano huo pia umejadili pia changamoto mbalimbali zinazowakabili wamiliki wa daladala.

Kwa upande wao baada ya mazungumzo na ufafanuzi wa mambo kadhaa, wamiliki wa daladala wameahidi kushirikiana na serikali ya Wilaya katika kuhakikisha huduma ya usafirishaji abiria inafanyika kwa ufanisi