Walimu Wakuu wa Shule za Sekondari waagizwa kutokuwapa wazazi/walezi gharama zisizo za lazima

Posted on: June 26th, 2020

Mkurugenzi wa Manispaa ya Kigamboni Arch. Ng'wilabuzu Ludigija amewaagiza Walimu wakuu wa shule zote za Sekondari, Manispaa ya Kigamboni kuepuka kuwapa wazazi/walezi gharama zisizo za lazima mara shule zitakapo funguliwa siku ya jumatatu tarehe 29/06/2020.

Arch. Ng'wilabuzu ametoa agizo hilo leo katika kikao kazi cha Walimu wakuu wa shule za Serikali na binafsi pamoja na Maafisa elimu Kata kilichofanyika katika ukumbi wa Manispaa.

 Aidha katika kikao hicho Afisa Elimu Sekondari wa Manispaa Ndugu Nyange Darabu kwa upande wake naye amewaagiza walimu hao kuchukua tahadhari zote za  kuepukana na ugonjwa wa Corona ili kuhakikisha usalama wanafunzi  wakianza masomo