RC Makonda akibidhi uongozi wa Yanga kiwanja cha Hekari 7 KisaraweII kigamboni

Posted on: June 21st, 2019

Mkuu wa Mkoa wa Dar es salaam Mhe. Paul Makonda leo amekabidhi eneo lenye ukubwa wa hekari 7 Lililopo KisaraweII Wilayani Kigamboni pamoja na hati ya umiliki kwa Klabu ya Yanga kwaajili ya ujenzi wa Uwanja na matumizi mengine ikiwa ni ahadi aliyoitoa wakati wa Hafla ya harambee ya Uchangiaji wa Timu hiyo.

Mkuu wa Mkoa amesema eneo hilo lina thamani ya Shilingi Milioni 700 ambapo lipo umbali wa Km 14 kutoka Daraja la Mwalimu Nyerere na umbali wa Mita 200 kutoka Barabara kubwa.

Akikabidhi eneo hilo Mhe Makonda ametaka uongozi wa Yanga kuanza kuendeleza eneo hilo kwa kujenga Uwanja na miundombinu yote inayohitajika.

Wakipokea Eneo hilo, Viongozi wa Yanga,Bodi ya Wazamini na Mashabik wa Timu hiyo wamemshukuru Mkuu Wa Mkoa kwa kuwapa eneo ambalo lipo kwenye mazingira mazuri ya tambarare na kuwatimizia ndoto waliyoishi nayo kwa miaka mingi bila mafanikio.