RC MAKALLA ATOA VIPA UMBELE KWA WAKUU WA WILAYA WAPYA DAR ES SALAAM

Posted on: January 31st, 2023

*RC MAKALLA ATOA VIPAUMBELE KWA WAKUU WAPYA WA WILAYA ZA DSM*.

Mkuu wa Mkoa wa Dar es salaam *Mhe. Amos Makalla* amewaelekeza Wakuu wa Wilaya waliohamishiwa Vituo vya Kazi Mkoani humo kuhakikisha Wanafanya majukumu Yao kwa *Weledi na ufanisi* Ili kumsaidia *Mhe. Rais Dkt. Samia Suluhu Hassan* aliewaamini na kuwateua.

*RC Makalla* amesema hayo wakati wa *kikao kazi* na *Wakuu wa Wilaya waliohamishiwa Mkoani humo* na wale waliokuwepo awali na kuhamishiwa Vituo vipya vya kazi ambapo pia amewakabidhi Vitabu vya Mwongozo wa *Mpangokazi wa kuwapanga vizuri Wafanyabiashara wadogowadogo na mkakati wa usafi Dar es salaam.*

Miongoni mwa Wakuu hao wa Wilaya ni pamoja na *Edward Mpogolo* Mkuu wa Wilaya ya Ilala akitokea Wilaya ya Same, *Halima Bulembo* Wilaya ya Kigamboni akitokea Muheza, *Hashim Komba* Wilaya ya Ubungo akitokea Nachingwea, *Mwanahamisi Mukunda* Wilaya ya Temeke akitokea Bahi na *Saadi Mtambule* Wilaya ya Kinondoni akitokea Mufindi.

Akizungumza wakati wa kikao hicho, *RC Makalla* amewasisitiza kufanya *usimamizi thabiti wa ukusanyaji wa mapato na utatuzi wa kero na changamoto za Wananchi.*

Aidha *RC Makalla* amewaelekeza kusimamia kikamilifu suala la *Ulinzi na usalama,  usafi wa mazingira na kufanya ufuatiliaji na Wa Miradi ya maendeleo.*

Pamoja na hayo *RC Makalla* amewasisitiza kufanya kazi kwa kuzingatia Utekelezaji wa *ilani ya uchaguzi ya CCM,  Maagizo ya Viongozi wa Juu wa Serikali na Sera na mwelekeo wa CCM.*

kikao hicho pia kimehudhuriwa na Mameya, Wakuu wa Idara na vitengo wa Manispaa za Dar es salaam.