Ndugulile aipa TANESCO siku 14 kuainisha maeneo yenye changamoto ya umeme

Posted on: October 9th, 2023

Mbunge wa jimbo La Kigamboni, Mhe. Faustine Ndugulile  ametoa siku 14 kwa meneja wa TANESCO Wilaya kupitia na kuainisha maeneo yote yenye changamoto ya ukosefu wa Umeme kutokana na mahitaji mbali mbali.

Mhe. Ndugulile ametoa agizo hilo leo Oktoba 9, 2023  kwenye mtaa wa Madege uliopo kisarawe II akiwa kwenye muendelezo wa ziara yake wilayani humo ambapo alipokea malalamiko kutoka kwa wananchi wa mtaa huo ya kutokuwepo kwa huduma hiyo ya Msingi.

"Natoa siku 14 kwa Meneja wa TANESCO na wasaidizi wako, hakikisheni mnapitia maeneo yote kwa kata hii ya Kisarawe na ainishe changamoto zinazosababisha kutokuwepo kwa umeme ili kwa pamoja tuweze kuwasaidia wananchi hawa," Amesema Mhe. Ndugulile.

Amewataka wanachi kujenga kwa kufuata utaratibu huku wakiacha eneo la barababara itakayowezesha kupitisha miundo mbinu ya umeme kwa urahisi.